ਚੰਡੀਗੜ੍ਹ 02 ਫਰਵਰੀ 2022: ਦੁਨੀਆਂ ‘ਚ ਕੋਰੋਨਾ ਵਾਇਰਸ (Corona virus) ਨੇ ਤੀਜੀ ਲਹਿਰ ਤਹਿਤ ਕਈ ਦੇਸ਼ਾਂ ‘ਚ ਆਪਣੇ ਪੈਰ ਪਸਾਰ ਲਏ ਹਨ| ਇਸਦੀ ਨਾਲ ਹੀ ਕਈ ਦੇਸ਼ਾਂ ‘ਚ ਕੋਰੋਨਾ ਕੇਸਾਂ ‘ਚ ਗਿਰਾਵਟ ਵੀ ਦੇਖਣ ਨੂੰ ਮਿਲੀ ਹੈ | ਦੂਜੇ ਪਾਸੇ ਸਪੇਨ (Spain) ‘ਚ ਕੋਰੋਨਾ ਵਾਇਰਸ ਦੇ 10 ਮਿਲੀਅਨ ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ। ਇਸ ਸੰਬੰਧੀ ਜਾਣਕਾਰੀ ਦੇਸ਼ ਦੇ ਸਿਹਤ ਮੰਤਰਾਲੇ ਦੇ ਨਵੇਂ ਅੰਕੜਿਆਂ ਤੋਂ ਸਾਹਮਣੇ ਆਈ ਹੈ। ਸਿਨਹੂਆ ਨਿਊਜ਼ ਏਜੰਸੀ ਦੀ ਰਿਪੋਰਟ ਮੁਤਾਬਕ ਮੰਤਰਾਲੇ ਨੇ ਮੰਗਲਵਾਰ ਨੂੰ ਕੋਰੋਨਾ ਦੇ 77,873 ਨਵੇਂ ਕੇਸ ਦਰਜ ਕੀਤੇ, ਜਿਸ ਨਾਲ ਦੇਸ਼ ਭਰ ‘ਚ ਕੁੱਲ ਕੋਰੋਨਾ ਕੇਸਾਂ ਦੀ ਗਿਣਤੀ 10,039,126 ਹੋ ਗਈ। ਅਧਿਕਾਰਤ ਅੰਕੜਿਆਂ ਦੇ ਅਨੁਸਾਰ ਮਹਾਂਮਾਰੀ ਕਾਰਨ ਸਪੇਨ ‘ਚ ਕੁੱਲ 93,633 ਲੋਕ ਆਪਣੀ ਜਾਨ ਗੁਆ ​​ਚੁੱਕੇ ਹਨ। ਕੁੱਲ ਮਾਮਲਿਆਂ ‘ਚੋਂ ਜਨਵਰੀ 2022 ‘ਚ 36 ਲੱਖ ਤੋਂ ਵੱਧ ਦਰਜ ਕੀਤੇ ਗਏ ਸਨ।

ਜਿਕਰਯੋਗ ਹੈ ਕਿ ਸਪੇਨ (Spain) ਮੁੱਖ ਤੌਰ ‘ਤੇ ਓਮੀਕਰੋਨ ਵੇਰੀਐਂਟ (Omicron variant) ਕਾਰਨ ਛੇਵੀਂ ਲਹਿਰ ਦਾ ਸਾਹਮਣਾ ਕਰ ਰਿਹਾ ਹੈ ਜਦੋਂ ਕਿ ਦਸੰਬਰ 2021 ਦੇ ਮੁਕਾਬਲੇ ਪਿਛਲੇ ਮਹੀਨੇ ਤਿੰਨ ਗੁਣਾ ਜ਼ਿਆਦਾ ਮਾਮਲੇ ਸਾਹਮਣੇ ਆਏ ਸਨ। ਸਪੇਨ ਵਿਚ ਕੇਸਾਂ ਦੀ ਗਿਣਤੀ ਵਧਣ ਕਾਰਨ ਹਸਪਤਾਲਾਂ ‘ਤੇ ਦਬਾਅ ਨਹੀਂ ਵਧਿਆ ਹੈ। ਕੋਰੋਨਾ ਵਾਇਰਸ ਮਰੀਜ਼ ਵਰਤਮਾਨ ‘ਚ ਹਸਪਤਾਲ ਦੇ ਸਾਰੇ ਬਿਸਤਰਿਆਂ ਦਾ 14.52 ਪ੍ਰਤੀਸ਼ਤ ਅਤੇ ਇੰਟੈਂਸਿਵ ਕੇਅਰ ਯੂਨਿਟਾਂ ਵਿੱਚ 21.71 ਪ੍ਰਤੀਸ਼ਤ ਬਿਸਤਰੇ ਹਨ, ਜੋ ਦੂਜਿਆਂ ਨਾਲੋਂ ਕਾਫ਼ੀ ਘੱਟ ਹਨ। ਇਸ ਦੌਰਾਨ ਸਪੈਨਿਸ਼ ਕੰਪਨੀ ਹਿਪਰਾ ਦੁਆਰਾ ਵਿਕਸਤ ਐਂਟੀ-ਕੋਰੋਨਾ ਵੈਕਸੀਨ ਦੇ ਟੈਸਟਿੰਗ ਦੇ ਤੀਜੇ ਅਤੇ ਆਖਰੀ ਪੜਾਅ ਨੂੰ ਅਧਿਕਾਰਤ ਕੀਤਾ, ਜੋ ਟੀਕੇ ਦੀ ਸੁਰੱਖਿਆ ਨੂੰ ਨਿਰਧਾਰਤ ਕਰੇਗਾ।