ਚੰਡੀਗੜ੍ਹ 11 ਜੂਨ 2022: (Commonwealth Games 2022) 50 ਕਿਲੋਗ੍ਰਾਮ ਵਰਗ ਵਿੱਚ ਮੌਜੂਦਾ ਵਿਸ਼ਵ ਚੈਂਪੀਅਨ ਮੁੱਕੇਬਾਜ਼ ਨਿਖਤ ਜ਼ਰੀਨ (Nikhat Zareen) ਅਤੇ 70 ਕਿਲੋਗ੍ਰਾਮ ਵਰਗ ਵਿੱਚ ਓਲੰਪਿਕ ਕਾਂਸੀ ਤਮਗਾ ਜੇਤੂ ਲਵਲੀਨ ਬੋਰਗੋਹੇਨ ਨੇ 2022 ਰਾਸ਼ਟਰਮੰਡਲ ਖੇਡਾਂ ਲਈ ਭਾਰਤੀ ਟੀਮ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ। ਸ਼ਨੀਵਾਰ ਨੂੰ ਦਿੱਲੀ ‘ਚ ਹੋਏ ਟਰਾਇਲ ‘ਚ ਦੋਵਾਂ ਨੇ ਆਪਣੇ ਪ੍ਰਦਰਸ਼ਨ ਨਾਲ ਜਿੱਤ ਦਰਜ ਕੀਤੀ ਅਤੇ ਦਬਦਬਾ ਬਣਾਇਆ।

ਦੋ ਵਾਰ ਦੀ ਸਟ੍ਰਾਂਜਾ ਮੈਮੋਰੀਅਲ ਸੋਨ ਤਮਗਾ ਜੇਤੂ ਨਿਖਤ ਨੇ ਫਾਈਨਲ ਵਿੱਚ ਹਰਿਆਣਾ ਦੀ ਮੀਨਾਕਸ਼ੀ ਨੂੰ 7-0 ਨਾਲ ਹਰਾਇਆ। ਇਸ ਦੇ ਨਾਲ ਹੀ ਲਵਲੀਨਾ ਨੇ ਪੂਜਾ ਨੂੰ 7-0 ਨਾਲ ਹਰਾਇਆ। ਮੁੱਕੇਬਾਜ਼ ਨੀਤੂ ਨੇ ਰਾਸ਼ਟਰਮੰਡਲ ਖੇਡਾਂ ਲਈ 48 ਕਿਲੋਗ੍ਰਾਮ ਅਤੇ ਜੈਸਮੀਨ ਨੇ 60 ਕਿਲੋਗ੍ਰਾਮ ਵਰਗ ‘ਚ ਟੀਮ ‘ਚ ਜਗ੍ਹਾ ਪੱਕੀ ਕੀਤੀ।