ਚੰਡੀਗੜ੍ਹ 29 ਜੁਲਾਈ 2022: ਰਾਸ਼ਟਰਮੰਡਲ ਖੇਡਾਂ (Commonwealth Games) ‘ਚ ਭਾਰਤੀ ਮਹਿਲਾ ਟੀਮ ਨੂੰ ਆਪਣੇ ਪਹਿਲੇ ਮੈਚ ‘ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਆਸਟ੍ਰੇਲੀਆ ਨੇ ਭਾਰਤ ਨੂੰ ਤਿੰਨ ਵਿਕਟਾਂ ਨਾਲ ਹਰਾ ਦਿੱਤਾ । ਇਸ ਮੈਚ ‘ਚ ਭਾਰਤੀ ਮਹਿਲਾ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 154 ਦੌੜਾਂ ਬਣਾਈਆਂ ਸਨ। ਜਵਾਬ ‘ਚ ਆਸਟ੍ਰੇਲੀਆ ਨੇ ਟੀਚਾ 7 ਵਿਕਟਾਂ ਦੇ ਨੁਕਸਾਨ ‘ਤੇ ਇਕ ਓਵਰ ‘ਚ ਹਾਸਲ ਕਰ ਲਿਆ।

ਮੈਚ ‘ਚ ਆਸਟਰੇਲੀਆ ਲਈ ਗਾਰਡਨਰ ਨੇ ਅਜੇਤੂ 52 ਦੌੜਾਂ ਬਣਾਈਆਂ। ਭਾਰਤ ਨੇ ਇਸ ਮੈਚ ‘ਚ ਆਸਟ੍ਰੇਲੀਆ ਦੀ ਅੱਧੀ ਟੀਮ ਨੂੰ 49 ਦੌੜਾਂ ਦੇ ਅੰਦਰ ਹੀ ਆਊਟ ਕਰ ਦਿੱਤਾ ਸੀ ਪਰ ਗਾਰਡਨਰ ਨੇ ਆਪਣੇ ਦਮ ‘ਤੇ ਮੈਚ ਦਾ ਨਤੀਜ਼ਾ ਪਲਟ ਦਿੱਤਾ | ਐਸ਼ਲੇ ਗਾਰਡਨਰ ਅਤੇ ਗ੍ਰੇਸ ਹੈਰਿਸ ਨੇ ਫਿਰ 51 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਆਸਟ੍ਰੇਲੀਆ ਦੀ ਮੈਚ ‘ਚ ਵਾਪਸੀ ਕਰ ਦਿੱਤੀ।