9 ਨਵੰਬਰ 2024: ਬਠਿੰਡਾ ( bathinda) ‘ਚ ਸੜਕ ਵਾਪਰਿਆ ਦਰਦਨਾਕ ਸੜਕ (road accident) ਹਾਦਸਾ, ਹਾਦਸੇ ‘ਚ ਫੌਜ ਦੇ ਜਵਾਨ ਦੀ ਮੌਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਬਰਮਾ ਸਰਹੱਦ ‘ਤੇ ਫ਼ੌਜ ਦੀ ਅਸਾਮ ਰਾਈਫ਼ਲ ਬਟਾਲੀਅਨ ‘ਚ ਤਾਇਨਾਤ ਸਿਪਾਹੀ ਜਸਵਿੰਦਰ ਸਿੰਘ ਜੋ ਕਿ ਛੁੱਟੀ (leave) ਦੌਰਾਨ ਆਪਣੇ ਪਿੰਡ ਰਾਮਪੁਰਾ ਆਇਆ ਹੋਇਆ ਸੀ, ਜਿਸ ਦੀ ਸੜਕ ਹਾਦਸੇ ‘ਚ ਮੌਤ ਹੋ ਗਈ |
ਇਸ ਦੌਰਾਨ ਪਿੰਡ ਦੇ ਸਰਪੰਚ ਵੱਲੋਂ ਦੱਸਿਆ ਗਿਆ ਕਿ ਉਹ 19 ਸਾਲ ਪਹਿਲਾਂ ਫੌਜ ‘ਚ ਭਰਤੀ ਹੋਇਆ ਸੀ, ਦੀਵਾਲੀ ਮੌਕੇ ਛੁੱਟੀ ‘ਤੇ ਸੀ ਅਤੇ ਵਾਪਸ ਆਉਣ ਦੀ ਤਿਆਰੀ ਕਰ ਰਿਹਾ ਸੀ ਪਰ ਜਦੋਂ ਉਹ ਆਪਣੇ ਮਾਮੇ ਦੇ ਲੜਕੇ ਨਾਲ ਮੰਡੀ ਤੋਂ ਅਲੀਕੇ ਵੱਲ ਮੋਟਰਸਾਈਕਲ ‘ਤੇ ਜਾ ਰਿਹਾ ਸੀ ਤਾਂ ਮੋਟਰਸਾਈਕਲ ਦਾ ਸੰਤੁਲਨ ਵਿਗੜ ਗਿਆ ਅਤੇ ਡਿੱਗ ਗਿਆ, ਜਿਸ ਦੌਰਾਨ ਸਿਪਾਹੀ ਦੀ ਮੌਤ ਹੋ ਗਈ।
ਸਿਪਾਹੀ ਜਸਵਿੰਦਰ ਸਿੰਘ ਦੀ ਅੰਤਿਮ ਯਾਤਰਾ ਦੌਰਾਨ ਉਨ੍ਹਾਂ ਦੀ ਮ੍ਰਿਤਕ ਦੇਹ ਨੂੰ ਫੌਜ ਦੇ ਜਵਾਨਾਂ ਵੱਲੋਂ ਤਿਰੰਗੇ ਝੰਡੇ ਵਿੱਚ ਹਵਾ ਵਿੱਚ ਗੋਲੀਆਂ ਚਲਾ ਕੇ ਸਲਾਮੀ ਦਿੱਤੀ ਗਈ ਅਤੇ ਸਿਪਾਹੀ ਨੂੰ ਸਤਿਕਾਰ ਸਹਿਤ ਵਿਦਾਇਗੀ ਦਿੱਤੀ ਗਈ।