ਚੰਡੀਗੜ੍ਹ, 22 ਜੁਲਾਈ 2023: (BAN-W vs IND-W) ਭਾਰਤੀ ਮਹਿਲਾ ਕ੍ਰਿਕਟ ਟੀਮ (Indian team) ਬੰਗਲਾਦੇਸ਼ ਦੀ ਧਰਤੀ ‘ਤੇ ਉਮੀਦਾਂ ਮੁਤਾਬਕ ਪ੍ਰਦਰਸ਼ਨ ਨਹੀਂ ਕਰ ਸਕੀ। ਸੀਰੀਜ਼ ਦਾ ਤੀਜਾ ਅਤੇ ਫੈਸਲਾਕੁੰਨ ਵਨਡੇ ਬਰਾਬਰੀ ‘ਤੇ ਖ਼ਤਮ ਹੋਇਆ। ਭਾਰਤੀ ਟੀਮ ਇਕ ਸਮੇਂ ਕਾਫੀ ਮਜ਼ਬੂਤ ਸਥਿਤੀ ‘ਚ ਨਜ਼ਰ ਆ ਰਹੀ ਸੀ ਪਰ ਟੀਮ ਨੇ ਸਿਰਫ 34 ਦੌੜਾਂ ਬਣਾ ਕੇ ਅਗਲੀਆਂ 6 ਵਿਕਟਾਂ ਗੁਆ ਦਿੱਤੀਆਂ। ਹਰਲੀਨ ਦਿਓਲ ਅਤੇ ਦੀਪਤੀ ਸ਼ਰਮਾ ਵਰਗੀਆਂ ਬੱਲੇਬਾਜ਼ਾਂ ਨੇ ਰਨ ਆਊਟ ਹੋ ਕੇ ਆਪਣੀਆਂ ਵਿਕਟਾਂ ਗੁਆ ਦਿੱਤੀਆਂ । ਇਸ ਜਿੱਤ ਦੇ ਨਾਲ ਹੀ ਬੰਗਲਾਦੇਸ਼ ਪਹਿਲੀ ਵਾਰ ਭਾਰਤ ਦੇ ਖ਼ਿਲਾਫ਼ ਵਨਡੇ ਸੀਰੀਜ਼ ਵੀ ਬਰਾਬਰ ਕਰਨ ‘ਚ ਕਾਮਯਾਬ ਹੋਈ।
ਭਾਰਤੀ ਟੀਮ (Indian team) ਦੇ ਸਕੋਰ ਬੋਰਡ ‘ਤੇ 191 ਦੌੜਾਂ ਸਨ ਅਤੇ ਅਜੇ ਛੇ ਵਿਕਟਾਂ ਬਾਕੀ ਸਨ। ਜਿੱਤ ਪੂਰੀ ਤਰ੍ਹਾਂ ਭਾਰਤੀ ਟੀਮ ਦੇ ਹੱਥਾਂ ‘ਚ ਜਾਂਦੀ ਨਜ਼ਰ ਆ ਰਹੀ ਸੀ। ਹਾਲਾਂਕਿ ਇੱਥੋਂ ਇਸ ਮੈਚ ਦਾ ਪਾਸਾ ਪੂਰੀ ਤਰ੍ਹਾਂ ਪਲਟ ਗਿਆ। ਹਰਲੀਨ, ਜੋ ਸ਼ਾਨਦਾਰ ਬੱਲੇਬਾਜ਼ੀ ਕਰ ਰਹੀ ਸੀ, ਉਨ੍ਹਾਂ ਨੇ ਦੌੜਾਂ ਚੋਰੀ ਕਰਨ ਦੀ ਕੋਸ਼ਿਸ਼ ਵਿੱਚ ਬੰਗਲਾਦੇਸ਼ ਟੀਮ ਨੂੰ ਆਪਣਾ ਵਿਕਟ ਤੋਹਫੇ ਵਿੱਚ ਦਿੱਤਾ। ਦੀਪਤੀ ਸ਼ਰਮਾ ਨੇ ਵੀ ਹਰਲੀਨ ਦੀ ਗਲਤੀ ਦੁਹਰਾਈ ਅਤੇ ਟੀਮ ਨੂੰ ਮੁਸ਼ਕਲ ਵਿੱਚ ਛੱਡ ਕੇ ਪਵੇਲੀਅਨ ਪਰਤ ਗਈ।