ਚੰਡੀਗੜ੍ਹ 04 ਮਾਰਚ 2022: ਆਸਟਰੇਲੀਆ ਦੇ ਸਾਬਕਾ ਕ੍ਰਿਕਟਰ ਰਾਡ ਮਾਰਸ਼ ਦਾ 74 ਸਾਲ ਦੀ ਉਮਰ ‘ਚ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੂੰ ਪਿਛਲੇ ਹਫ਼ਤੇ ਦਿਲ ਦਾ ਦੌਰਾ ਪਿਆ ਸੀ ਅਤੇ ਉਹ ਕੋਮਾ ‘ਚ ਚਲੇ ਗਏ ਸਨ। ਇੱਕ ਹਫ਼ਤੇ ਤੱਕ ਕੋਮਾ ‘ਚ ਰਹਿਣ ਤੋਂ ਬਾਅਦ ਉਸਦੀ ਮੌਤ ਹੋ ਗਈ।

ਕ੍ਰਿਕੇਟ ਆਸਟ੍ਰੇਲੀਆ ਦੇ ਚੇਅਰਮੈਨ ਡਾਕਟਰ ਲਚਲਾਨ ਹੈਂਡਰਸਨ ਨੇ ਵਿਕਟਕੀਪਰ ਬੱਲੇਬਾਜ਼ ਦੀ ਮੌਤ ਦੀ ਪੁਸ਼ਟੀ ਕਰਦੇ ਹੋਏ ਕਿਹਾ, “ਇਹ ਆਸਟ੍ਰੇਲੀਆਈ ਕ੍ਰਿਕਟ ਅਤੇ ਉਨ੍ਹਾਂ ਲੋਕਾਂ ਲਈ ਬਹੁਤ ਦੁਖਦਾਈ ਘਟਨਾ ਹੈ, ਜਿਨ੍ਹਾਂ ਨੇ ਰੋਡ ਮਾਰਸ਼ ਨੂੰ ਪਿਆਰ ਕੀਤਾ ਅਤੇ ਪ੍ਰਸ਼ੰਸਾ ਕੀਤੀ ਹੈ। ਰੋਡ ਨੇ ਜਿਸ ਤਰ੍ਹਾਂ ਨਾਲ ਕ੍ਰਿਕਟ ਖੇਡਿਆ ਅਤੇ ਉਸ ਨੂੰ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ। ਆਸਟ੍ਰੇਲੀਅਨ ਟੀਮਾਂ ਦਾ ਹਿੱਸਾ ਰਹਿੰਦਿਆਂ ਉਸ ਨੇ ਪ੍ਰਸ਼ੰਸਕਾਂ ਨੂੰ ਖੁਸ਼ੀ ਦਿੱਤੀ। ਮਾਰਸ਼ ਨੇ ਲਿਲੀ ਦਾ ਕੈਚ ਫੜਿਆ। ਇਹ ਵਾਕ ਸਾਡੇ ਕ੍ਰਿਕਟ ‘ਚ ਬਹੁਤ ਮਹੱਤਵ ਰੱਖਦਾ ਹੈ।”

ਰਾਡ ਮਾਰਸ਼ ਨੇ 1968 ‘ਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਅਤੇ 1984 ‘ਚ ਆਪਣੀ ਸੰਨਿਆਸ ਦਾ ਐਲਾਨ ਕੀਤਾ। ਇਸ ਦੌਰਾਨ ਉਸ ਨੇ 257 ਪਹਿਲੀ ਸ਼੍ਰੇਣੀ ਮੈਚਾਂ ‘ਚ 11067 ਦੌੜਾਂ ਬਣਾਈਆਂ। ਉਸ ਦੀ ਔਸਤ 31.17 ਰਹੀ। ਉਸਨੇ ਆਪਣੇ ਕਰੀਅਰ ‘ਚ 869 ਸ਼ਿਕਾਰ ਵੀ ਕੀਤੇ।