ਚੰਡੀਗ੍ਹੜ 08 ਸਤੰਬਰ 2022: (AUS vs NZ) ਆਸਟ੍ਰੇਲੀਆ (Australia) ਦੌਰੇ ‘ਤੇ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਖੇਡਣ ਗਈ ਨਿਊਜ਼ੀਲੈਂਡ (New Zealand) ਨੂੰ ਦੂਜੇ ਵਨਡੇ ‘ਚ ਸ਼ਰਮਨਾਕ ਹਾਰ ਦਾ ਸਾਹਮਣਾ ਕਰਨਾ ਪਿਆ। 196 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਨਿਊਜ਼ੀਲੈਂਡ ਸਿਰਫ਼ 82 ਦੌੜਾਂ ‘ਤੇ ਹੀ ਆਊਟ ਹੋ ਗਈ ਅਤੇ  113 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।

ਇਸ ਤਰ੍ਹਾਂ ਨਿਊਜ਼ੀਲੈਂਡ 2-0 ਨਾਲ ਇਹ ਸੀਰੀਜ਼ ਹਾਰ ਗਈ ਹੈ। ਸੀਰੀਜ਼ ਦਾ ਤੀਜਾ ਅਤੇ ਆਖਰੀ ਮੈਚ ਐਤਵਾਰ ਨੂੰ ਖੇਡਿਆ ਜਾਵੇਗਾ। ਇਸ ਤੋਂ ਪਹਿਲਾਂ ਕੀਵੀ ਟੀਮ ਨੇ ਇੱਥੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ। ਟ੍ਰੇਂਟ ਬੋਲਟ (4/38) ਅਤੇ ਮੈਟ ਹੈਨਰੀ (3/33) ਨੇ ਮਿਲ ਕੇ 7 ਵਿਕਟਾਂ ਲੈ ਕੇ ਕੰਗਾਰੂ ਟੀਮ ਨੂੰ 195 ਦੌੜਾਂ ‘ਤੇ ਰੋਕ ਦਿੱਤਾ | ਜਵਾਬ ‘ਚ ਨਿਊਜ਼ੀਲੈਂਡ 82 ਦੌੜਾਂ ‘ਤੇ ਹੀ ਆਊਟ ਹੋ ਗਈ |