ਚੰਡੀਗੜ੍ਹ 23 ਮਈ 2022: (Asia Cup Hockey Tournament) ਏਸ਼ੀਆ ਕੱਪ ਹਾਕੀ ਟੂਰਨਾਮੈਂਟ ‘ਚ ਭਾਰਤ (India) ਅਤੇ ਪਾਕਿਸਤਾਨ (Pakistan) ਵਿਚਾਲੇ ਖੇਡਿਆ ਗਿਆ ਮੈਚ 1-1 ਨਾਲ ਡਰਾਅ ਰਿਹਾ। ਮੈਚ ਦੇ ਆਖ਼ਰੀ 70 ਸਕਿੰਟਾਂ ਵਿੱਚ ਪਾਕਿਸਤਾਨ ਦੇ ਅਬਦੁਲ ਰਾਣਾ ਨੇ ਪੈਨਲਟੀ ਕਾਰਨਰ ਤੋਂ ਸ਼ਾਨਦਾਰ ਖੇਡ ਵਿਖਾਉਂਦੇ ਹੋਏ ਗੋਲ ਕੀਤਾ। ਟੀਮ ਇੰਡੀਆ ਲਈ ਇਕਮਾਤਰ ਗੋਲ ਕਾਰਤੀ ਸੇਲਵਮ ਨੇ ਕੀਤਾ। ਟੀਮ ਨੇ ਪਹਿਲੇ ਕੁਆਰਟਰ ਵਿੱਚ ਦੋ ਪੈਨਲਟੀ ਕਾਰਨਰ ਗੁਆਏ ਪਰ ਕਾਰਤੀ ਨੇ ਤੀਜੇ ਪੈਨਲਟੀ ਕਾਰਨਰ ਦਾ ਫਾਇਦਾ ਉਠਾਇਆ ਅਤੇ 9ਵੇਂ ਮਿੰਟ ਵਿੱਚ ਗੋਲ ਕਰਕੇ ਭਾਰਤ ਨੂੰ 1-0 ਦੀ ਬੜ੍ਹਤ ਦਿਵਾਈ।ਇਸਤੋਂ ਬਾਅਦ ਹੁਣ ਟੀਮ ਇੰਡੀਆ ਆਪਣਾ ਅਗਲਾ ਮੈਚ 24 ਮਈ ਨੂੰ ਜਾਪਾਨ ਅਤੇ 26 ਮਈ ਨੂੰ ਇੰਡੋਨੇਸ਼ੀਆ ਨਾਲ ਖੇਡੇਗੀ।