ਚੰਡੀਗੜ੍ਹ 21 ਜਨਵਰੀ 2022: ਹਿੰਦ ਮਹਾਸਾਗਰ ‘ਚ ਈਰਾਨ (Iran), ਰੂਸ (Russia) ਅਤੇ ਚੀਨ (Chine)ਦੀਆਂ ਜਲ ਸੈਨਾਵਾਂ (Armies) ਨੇ ਸ਼ੁੱਕਰਵਾਰ ਨੂੰ ਸਮੁੰਦਰੀ ਸੁਰੱਖਿਆ ਨੂੰ ਵਧਾਉਣ ਦੇ ਉਦੇਸ਼ ਨਾਲ ਅਭਿਆਸ ਸ਼ੁਰੂ ਕੀਤਾ। ਇਸਦੀ ਜਾਣਕਾਰੀ ਈਰਾਨ ਦੇ ਸਰਕਾਰੀ ਮੀਡੀਆ ਦੁਆਰਾ ਦਿੱਤੀ ਗਈ ਹੈ । ਇਸ ਦੌਰਾਨ ਕਿਹਾ ਗਿਆ ਕਿ ਇਸ ਅਭਿਆਸ ‘ਚ ਉਸ ਦੇ 11 ਜਹਾਜ਼, ਰੂਸੀ ਵਿਨਾਸ਼ਕਾਰੀ ਜਹਾਜ਼ਾਂ ਸਮੇਤ ਤਿੰਨ ਜਹਾਜ਼ ਅਤੇ ਚੀਨ ਦੇ ਦੋ ਜਹਾਜ਼ ਹਿੱਸਾ ਲੈ ਰਹੇ ਹਨ। ਇਸਦੇ ਨਾਲ ਹੀ ਅਭਿਆਸ ‘ਚ ਛੋਟੇ ਜਹਾਜ਼ਾਂ ਅਤੇ ਹੈਲੀਕਾਪਟਰਾਂ ਦੇ ਨਾਲ ਰੈਵੋਲਿਊਸ਼ਨਰੀ ਗਾਰਡਜ਼ ਵੀ ਹਿੱਸਾ ਲੈਣਗੇ।

ਸੂਤਰਾਂ ਦੇ ਮੁਤਾਬਕ ਇਹ ਅਭਿਆਸ ਹਿੰਦ ਮਹਾਸਾਗਰ ਦੇ ਉੱਤਰੀ ਹਿੱਸੇ ਵਿੱਚ 17 ਹਜ਼ਾਰ ਵਰਗ ਕਿਲੋਮੀਟਰ ਦੇ ਖੇਤਰ ਵਿੱਚ ਕੀਤਾ ਜਾਵੇਗਾ ਅਤੇ ਇਸ ਦੌਰਾਨ ਲੜਾਈ, ਬਚਾਅ ਕਾਰਜ ਅਤੇ ਅੱਗ ਬੁਝਾਉਣ ਦਾ ਅਭਿਆਸ ਕੀਤਾ ਜਾਵੇਗਾ। ਚੈਨਲ ਨੇ ਕਿਹਾ ਕਿ ਸਾਲ 2019 ਤੋਂ ਬਾਅਦ ਤਿੰਨਾਂ ਦੇਸ਼ਾਂ ਦਾ ਇਹ ਤੀਜਾ ਸੰਯੁਕਤ ਜਲ ਸੈਨਾ ਅਭਿਆਸ ਹੈ। ਇਹ ਅਭਿਆਸ ਅਜਿਹੇ ਸਮੇਂ ‘ਚ ਹੋ ਰਿਹਾ ਹੈ ਜਦੋਂ ਈਰਾਨ ਦੇ ਰਾਸ਼ਟਰਪਤੀ ਇਬਰਾਹਿਮ ਰਾਇਸੀ ਨੇ ਵੀਰਵਾਰ ਨੂੰ ਰੂਸ ਦਾ ਦੌਰਾ ਖ਼ਤਮ ਕਰ ਦਿੱਤਾ ਹੈ। ਰਾਇਸੀ ਨੇ ਏਪੀ ਧੀਰਜ ਸ਼ਾਹਿਦ ਨੂੰ ਦੱਸਿਆ,”ਤਹਿਰਾਨ ਅਤੇ ਮਾਸਕੋ ਵਿਚਕਾਰ ਦੁਵੱਲੇ ਸਬੰਧਾਂ ਵਿੱਚ ਸੁਧਾਰ ਖੇਤਰ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਸੁਰੱਖਿਆ ਨੂੰ ਮਜ਼ਬੂਤ ਕਰੇਗਾ।”