ਪਟਿਆਲਾ, 25 ਨਵੰਬਰ 2024: ਪੰਜਾਬ ਸਰਕਾਰ ਵੱਲੋਂ ਚੰਡੀਗੜ੍ਹ ‘ਚ ਕਰਵਾਈਆਂ ਜਾ ਰਹੀਆਂ ‘ਖੇਡਾਂ ਵਤਨ ਪੰਜਾਬ ਦੀਆਂ’ ਤਹਿਤ ਸੂਬਾ ਪੱਧਰੀ ਘੋੜਸਵਾਰੀ ਮੁਕਾਬਲੇ (Horse Riding) ਕਰਵਾਏ ਗਏ ਹਨ | ਇਨ੍ਹਾਂ ਘੋੜਸਵਾਰੀ ਮੁਕਾਬਲਿਆਂ ‘ਚ ਮੁਲਤਾਨੀ ਮਲ ਮੋਦੀ ਕਾਲਜ ਪਟਿਆਲਾ (Patiala) ਦੇ ਵਿਦਿਆਰਥੀ ਅਮਿਤੋਜ ਸਿੰਘ ਨੇ ਕਾਂਸੀ ਦਾ ਤਮਗਾ ਜਿੱਤ ਕੇ ਪਟਿਆਲਾ ਦਾ ਮਾਣ ਵਧਾਇਆ ਹੈ ।
ਅਮਿਤੋਜ ਸਿੰਘ ਮਾਨ ਨੇ ਇਹ ਤਮਗਾ ਅੱਜ ਸ਼ੋਅ ਜਪਿੰਗ ਟੀਮ ਈਵੈਂਟ ‘ਚ ਪ੍ਰਾਪਤ ਕੀਤਾ ਹੈ । ਟੂਰਨਾਮੈਂਟ ‘ਤੇ ਮੌਜੂਦ ਮਾਹਰਾਂ ਨੇ ਅਮਿਤੋਜ ਸਿੰਘ ਦੀ ਇਕਾਗਰਤਾ, ਘੋੜੇ ‘ਤੇ ਕੰਟ੍ਰੋਲ ਅਤੇ ਹੁਨਰ ਦੀ ਤਾਰੀਫ਼ ਕੀਤੀ ਹੈ | ਮਾਹਰਾਂ ਨੇ ਅਮਿਤੋਜ ਸਿੰਘ ਮਾਨ ਨੂੰ ਪੰਜਾਬ ਘੋੜਸਵਾਰੀ ਦਾ ਭਵਿੱਖ ਦੱਸਿਆ ਅਤੇ ਉਨ੍ਹਾਂ ਤੋਂ ਬਹੁਤ ਉਮੀਦਾਂ ਵੀ ਲਗਾਈਆਂ ਜਾ ਰਹੀਆਂ ਹਨ |