ਚੰਡੀਗੜ੍ਹ, 7 ਨਵੰਬਰ 2021 : ਉੱਤਰੀ ਭਾਰਤ ਵਿੱਚ ਦੀਵਾਲੀ ਦੇ ਆਲੇ-ਦੁਆਲੇ ਹਵਾ ਦੀ ਗੁਣਵੱਤਾ ਖਤਰਨਾਕ ਸਥਿਤੀ ਤੱਕ ਪਹੁੰਚ ਗਈ ਹੈ। ਅਜਿਹੇ ਸਮੇਂ ਵਿੱਚ ਆਪਣੀ ਸਿਹਤ ਦਾ ਖਿਆਲ ਰੱਖਣਾ ਹੋਰ ਵੀ ਜ਼ਰੂਰੀ ਹੋ ਗਿਆ ਹੈ। ਖਾਸ ਕਰਕੇ ਬਜ਼ੁਰਗਾਂ ਅਤੇ ਦਿਲ ਦੀਆਂ ਬਿਮਾਰੀਆਂ ਵਾਲੇ ਮਰੀਜ਼। ਇੱਕ ਤਾਜ਼ਾ ਅਧਿਐਨ ਵਿੱਚ ਪਾਇਆ ਗਿਆ ਹੈ ਕਿ ਹਵਾ ਪ੍ਰਦੂਸ਼ਣ ਦਾ ਹਾਨੀਕਾਰਕ ਪ੍ਰਭਾਵ ਉਨ੍ਹਾਂ ਲੋਕਾਂ ਦੇ ਦਿਲ ਉੱਤੇ ਵੀ ਪੈ ਸਕਦਾ ਹੈ ਜੋ ਪਹਿਲਾਂ ਤੋਂ ਹੀ ਹਾਈ ਬਲੱਡ ਪ੍ਰੈਸ਼ਰ ਅਤੇ ਕਿਡਨੀ ਦੀ ਬਿਮਾਰੀ ਤੋਂ ਪੀੜਤ ਹਨ। ਇਹ ਦਾਅਵਾ ਇੱਕ ਅਧਿਐਨ ਵਿੱਚ ਕੀਤਾ ਗਿਆ ਹੈ। ਖੋਜਕਰਤਾਵਾਂ ਨੇ ਪਾਇਆ ਕਿ ਸੀ.ਕੇ.ਡੀ. (ਕ੍ਰੋਨਿਕ ਕਿਡਨੀ ਡਿਜ਼ੀਜ਼) ਦੇ ਨਾਲ ਹਾਈ ਬਲੱਡ ਪ੍ਰੈਸ਼ਰ ਵਾਲੇ ਬਾਲਗਾਂ ਵਿੱਚ ਗਲੇਸੀਟਿਨ-3 ਦੇ ਪੱਧਰ ਵਿੱਚ ਵਾਧਾ ਹਵਾ ਪ੍ਰਦੂਸ਼ਣ ਦੇ ਸੰਪਰਕ ਨਾਲ ਜੁੜਿਆ ਹੋਇਆ ਸੀ।ਜਿਸ ਵਿੱਚ ਦਿਲ ਦੇ ਅੰਦਰ ਦਾਗ ਬਣ ਜਾਂਦੇ ਹਨ। ਅਧਿਐਨ ਦੇ ਨਤੀਜੇ ਅਮਰੀਕਨ ਸੋਸਾਇਟੀ ਆਫ ਨੇਫਰੋਲੋਜੀ (ਏਐਸਐਨ) ਕਿਡਨੀ ਵੀਕ-2021 ਵਿੱਚ ਆਨਲਾਈਨ ਪ੍ਰਕਾਸ਼ਿਤ ਕੀਤੇ ਗਏ ਹਨ।
ਅਮਰੀਕਾ ਦੀ ਕੇਸ ਵੈਸਟਰਨ ਰਿਜ਼ਰਵ ਯੂਨੀਵਰਸਿਟੀ ਨਾਲ ਸਬੰਧਤ ਅਤੇ ਇਸ ਖੋਜ ਪੱਤਰ ਦੀ ਮੁੱਖ ਲੇਖਕ ਹਫਸਾ ਤਾਰਿਕ ਨੇ ਕਿਹਾ, “ਹਵਾ ਪ੍ਰਦੂਸ਼ਣ ਸਿੱਧੇ ਤੌਰ ‘ਤੇ ਸੀ.ਕੇ.ਡੀ. (ਕਿਡਨੀ ਦੀ ਗੰਭੀਰ ਬਿਮਾਰੀ) ਵਾਲੇ ਵਿਅਕਤੀਆਂ ਵਿੱਚ ਮਾਇਓਕਾਰਡਿਅਲ ਫਾਈਬਰੋਸਿਸ ਨਾਲ ਜੁੜਿਆ ਹੋਇਆ ਹੈ।’
ਮਾਇਓਕਾਰਡੀਅਲ ਫਾਈਬਰੋਸਿਸ ਕਦੋਂ ਹੁੰਦਾ ਹੈ
ਮਾਇਓਕਾਰਡਿਅਲ ਫਾਈਬਰੋਸਿਸ ਉਦੋਂ ਵਾਪਰਦਾ ਹੈ ਜਦੋਂ ਦਿਲ ਵਿੱਚ ਫਾਈਬਰੋਬਲਾਸਟ ਨਾਮਕ ਇੱਕ ਸੈੱਲ ਕੋਲੇਜਨੇਸ ਸਕਾਰ ਟਿਸ਼ੂ ਪੈਦਾ ਕਰਨਾ ਸ਼ੁਰੂ ਕਰ ਦਿੰਦਾ ਹੈ। ਇਸ ਨਾਲ ਦਿਲ ਦੀ ਧੜਕਣ ਰੁਕ ਸਕਦੀ ਹੈ ਅਤੇ ਮੌਤ ਹੋ ਸਕਦੀ ਹੈ। ਤਾਰਿਕ ਨੇ ਕਿਹਾ, “ਹਵਾ ਪ੍ਰਦੂਸ਼ਣ ਨੂੰ ਸੀਮਤ ਕਰਨ ਦਾ ਲਾਹੇਵੰਦ ਪ੍ਰਭਾਵ ਸੀਕੇਡੀ ਵਿੱਚ ਕਾਰਡੀਓਵੈਸਕੁਲਰ ਬਿਮਾਰੀਆਂ ਦੀ ਕਮੀ ਵਿੱਚ ਪਾਇਆ ਜਾਵੇਗਾ।” ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਹ ਵਿਸ਼ਲੇਸ਼ਣ 1,019 ਭਾਗੀਦਾਰਾਂ ਉੱਤੇ ਦੋ ਸਾਲਾਂ ਦੇ ਅਧਿਐਨ ਉੱਤੇ ਆਧਾਰਿਤ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਐਤਵਾਰ 7 ਨਵੰਬਰ ਨੂੰ ਦਿੱਲੀ ਦੇ ਕਈ ਇਲਾਕਿਆਂ ‘ਚ ਹਵਾ ਪ੍ਰਦੂਸ਼ਣ ‘ਖ਼ਤਰਨਾਕ’ ਪੱਧਰ ‘ਤੇ ਮਾਪਿਆ ਗਿਆ ਸੀ। ਦਿੱਲੀ ਦੇ ITI ਜਹਾਂਗੀਰ ਪੁਰੀ ਇਲਾਕੇ ‘ਚ ਹਵਾ ਦੀ ਗੁਣਵੱਤਾ ਦਾ ਪੱਧਰ ਖਤਰਨਾਕ ਪੱਧਰ ‘ਤੇ ਪਹੁੰਚ ਗਿਆ ਹੈ। ਦੱਸ ਦੇਈਏ ਕਿ ਦੀਵਾਲੀ ਤੋਂ ਪਹਿਲਾਂ ਦਿੱਲੀ ਅਤੇ ਆਸਪਾਸ ਦੇ ਇਲਾਕਿਆਂ ਵਿੱਚ ਧੂੰਆਂ ਦੇਖਿਆ ਗਿਆ ਸੀ।