ਚੰਡੀਗੜ੍ਹ 5 ਜਨਵਰੀ 2022: ਦੇਸ਼ ਦੇ ਪਹਿਲੇ CDS ਜਨਰਲ ਬਿਪਿਨ ਰਾਵਤ (CDS general Bipin Rawat) ਸਮੇਤ 13 ਫੌਜੀ ਅਧਿਕਾਰੀ 8 ਦਸੰਬਰ ਨੂੰ ਹੋਏ ਆਰਮੀ ਹੈਲੀਕਾਪਟਰ ਹਾਦਸੇ (Army helicopter crash) ਵਿੱਚ ਮਾਰੇ ਗਏ ਸਨ। ਹਵਾਈ ਸੈਨਾ (Air Force) ਨੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ (Rajnath Singh) ਨੂੰ ਪਿਛਲੇ ਮਹੀਨੇ ਹੋਏ ਆਰਮੀ ਹੈਲੀਕਾਪਟਰ ਹਾਦਸੇ (Army helicopter crash) ਸਬੰਧੀ ਰਿਪੋਰਟ ਸੌਂਪੀ ਹੈ। ਰਿਪੋਰਟ ਵਿੱਚ ਹਾਦਸੇ ਸਬੰਧੀ ਕਈ ਅਹਿਮ ਤੱਥ ਅਤੇ ਸਿਫ਼ਾਰਸ਼ਾਂ ਹਨ। ਇਸ ਦੀ ਵਿਸਤ੍ਰਿਤ ਪੇਸ਼ਕਾਰੀ ਵੀ ਰੱਖਿਆ ਮੰਤਰੀ ਨੂੰ ਦਿੱਤੀ ਗਈ। ਹਾਦਸੇ ਦੇ ਕਾਰਨਾਂ ਬਾਰੇ ਵੀ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ।

8 ਦਸੰਬਰ ਨੂੰ ਇਸ ਹਾਦਸੇ ਵਿੱਚ ਦੇਸ਼ ਦੇ ਪਹਿਲੇ ਸੀਡੀਐਸ ਜਨਰਲ ਬਿਪਿਨ ਰਾਵਤ (CDS general Bipin Rawat) ਸਮੇਤ 13 ਫੌਜੀ ਅਧਿਕਾਰੀ ਮਾਰੇ ਗਏ ਸਨ। ਤਾਮਿਲਨਾਡੂ ਦੇ ਕੰਨੂਰ ਨੇੜੇ ਵਾਪਰੀ ਇਸ ਘਟਨਾ ਦੀ ਜਾਂਚ ਤਿੰਨਾਂ ਬਲਾਂ ਦੀ ਸਾਂਝੀ ਕਮੇਟੀ ਨੇ ਕੀਤੀ ਸੀ। ਜਾਂਚ ਰਿਪੋਰਟ ਵਿੱਚ ਕਮੇਟੀ ਨੇ ਰਾਜਨਾਥ ਸਿੰਘ ਨੂੰ ਹਾਦਸੇ ਦੇ ਕਾਰਨਾਂ ਤੋਂ ਜਾਣੂ ਕਰਵਾਇਆ ਹੈ। ਇਸਨੇ ਵੀਆਈਪੀ ਫਲਾਈਟ ਲਈ ਭਵਿੱਖ ਵਿੱਚ ਹੈਲੀਕਾਪਟਰ ਸੰਚਾਲਨ ਲਈ ਸਿਫਾਰਸ਼ਾਂ ਵੀ ਕੀਤੀਆਂ।