ਚੰਡੀਗੜ੍ਹ 08 ਅਕਤੂਬਰ 2022: ਚੰਡੀਗੜ੍ਹ ਯੂਨੀਵਰਸਿਟੀ ਵੀਡੀਓ ਲੀਕ ਮਾਮਲੇ (Chandigarh University video leak case) ਵਿਚ ਗ੍ਰਿਫਤਾਰ ਕੀਤੇ ਗਏ ਸ਼ਿਮਲਾ ਦੇ ਰੰਕਜ ਵਰਮਾ (Rankaj Verma) 20 ਦਿਨਾਂ ਬਾਅਦ ਜੇਲ ਤੋਂ ਬਾਹਰ ਆਏ ਹਨ | ਪੰਜਾਬ ਦੀ ਖਰੜ ਅਦਾਲਤ ਤੋਂ ਨਿਯਮਤ ਜ਼ਮਾਨਤ ਮਿਲਣ ਤੋਂ ਬਾਅਦ ਜੇਲ੍ਹ ਤੋਂ ਬਾਹਰ ਆਏ ਰੰਕਜ ਵਰਮਾ ਨੇ ਆਪਣੇ ਆਪ ਨੂੰ ਝੂਠੀ ਪਛਾਣ ਅਤੇ ਸਾਈਬਰ ਧੋਖਾਧੜੀ ਦਾ ਸ਼ਿਕਾਰ ਹੋਣ ਦਾ ਦਾਅਵਾ ਕੀਤਾ ਹੈ।
ਇਸਦੇ ਨਾਲ ਹੀ ਜ਼ਮਾਨਤ ਮਿਲਣ ਤੋਂ ਬਾਅਦ ਜੇਲ੍ਹ ਤੋਂ ਬਾਹਰ ਆਏ ਰੰਕਜ ਨੇ ਕਿਹਾ ਕਿ ਕਿ ਉਹ ਬਿਲਕੁਲ ਬੇਕਸੂਰ ਹਨ। ਉਸਦਾ ਚੰਡੀਗੜ੍ਹ ਯੂਨੀਵਰਸਿਟੀ ਵੀਡੀਓ ਲੀਕ ਮਾਮਲੇ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ।ਰੰਕਜ ਨੇ ਦਾਅਵਾ ਕੀਤਾ ਕਿ ਫੌਜੀ ਸੰਜੀਵ ਸਿੰਘ ਨੇ ਉਸ ਦੀ ਫੋਟੋ ਦੀ ਦੁਰਵਰਤੋਂ ਕੀਤੀ ਹੈ। ਸੰਜੀਵ ਸਿੰਘ ਨੇ ਸੋਸ਼ਲ ਮੀਡੀਆ ਤੋਂ ਉਸ ਦੀ ਫੋਟੋ ਲੈ ਕੇ ਉਸ ਦੇ ਵਟਸਐਪ ਨੰਬਰ ਦੀ ਡਿਸਪਲੇਅ ਤਸਵੀਰ (ਡੀਪੀ) ਬਣਾ ਲਈ ਅਤੇ ਉਸ ਤੋਂ ਬਾਅਦ ਲੜਕੀ ਨਾਲ ਚੈਟਿੰਗ ਸ਼ੁਰੂ ਕਰ ਦਿੱਤੀ।
ਇਸਦੇ ਨਾਲ ਹੀ ਜ ਵਰਮਾ (Rankaj Verma) ਨੇ ਕਿਹਾ ਕਿ ਉਸਦੀ ਆਤਮਾ ਹੀ ਜਾਣਦੀ ਹੈ ਕਿ ਪਿਛਲੇ 20 ਦਿਨ ਕਿਵੇਂ ਬੀਤੇ ਹਨ | ਹਰ ਕੋਈ ਉਸ ਨੂੰ ਦੋਸ਼ੀ ਮੰਨ ਰਿਹਾ ਹੈ ਭਾਵੇਂ ਉਸਨੇ ਕੁਝ ਨਹੀਂ ਕੀਤਾ। ਰੰਕਜ ਨੇ ਦਾਅਵਾ ਕੀਤਾ ਕਿ ਮੈਨੂੰ ਸਾਜ਼ਸ਼ ਤਹਿਤ ਇਸ ਕੇਸ ਵਿੱਚ ਫਸਾਇਆ ਜਾ ਰਿਹਾ ਹੈ। ਇਹ ਗੱਲ ਅਦਾਲਤ ਦੇ ਅੰਦਰ ਵੀ ਸਾਬਤ ਹੋ ਗਈ, ਇਸ ਲਈ ਮਾਣਯੋਗ ਜੱਜ ਨੇ ਉਸ ਦੀ ਜ਼ਮਾਨਤ ਮਨਜ਼ੂਰ ਕਰ ਦਿੱਤੀ। ਪੁਲਿਸ ਐਸਆਈਟੀ ਦੀ ਟੀਮ ਇਸ ਦੀ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।