ਚੰਡੀਗ੍ਹੜ 09 ਅਗਸਤ 2022: ਕਪੂਰਥਲਾ (Kapurthala) ਦੇ ਗੋਇੰਦਵਾਲ ਮਾਰਗ ‘ਤੇ ਅੱਜ ਯਾਨੀ ਮੰਗਲਵਾਰ ਦੁਪਹਿਰ ਇਕ ਪ੍ਰਵਾਸੀ ਮਜ਼ਦੂਰ ਦਾ ਦੋ ਸਾਲ ਦਾ ਬੱਚਾ ਅਭਿਲਾਸ਼ ਇਕ ਵੱਡੇ ਨਾਲੇ ‘ਚ ਡਿੱਗ ਗਿਆ। ਬੱਚੇ ਦੀ ਮਾਤਾ ਮਨੀਸ਼ਾ ਨੇ ਬੱਚੇ ਦੇ ਡਿੱਗਦਿਆਂ ਸਾਰ ਹੀ ਨਾਲੇ ‘ਚ ਛਾਲ ਮਾਰ ਦਿੱਤੀ। ਜਿਸ ਨੂੰ ਆਸ-ਪਾਸ ਦੇ ਲੋਕਾਂ ਨੇ ਤੁਰੰਤ ਬਾਹਰ ਕੱਢਿਆ | ਪਾਣੀ ਦੇ ਤੇਜ਼ ਵਹਾਅ ਕਾਰਨ ਬੱਚਾ ਨਾਲੇ ਵਿਚ ਹੀ ਰੁੜ ਗਿਆ, ਜਿਸਦੀ ਭਾਲ ਕੀਤੀ ਜਾ ਰਹੀ ਹੈ |

ਸੂਚਨਾ ਮਿਲਣ ‘ਤੇ ਦੀ ਸੂਚਨਾ ਮਿਲਣ ’ਤੇ ਜ਼ਿਲ੍ਹਾ ਪ੍ਰਸ਼ਾਸਨ ਤਰਫ਼ੋਂ ਨਾਇਬ ਤਹਿਸੀਲਦਾਰ ਰਾਜੀਵ ਖੋਸਲਾ, ਪੁਲਿਸ ਪ੍ਰਸ਼ਾਸਨ ਤਰਫ਼ੋਂ ਡੀਐਸਪੀ ਮਨਿੰਦਰਜੀਤ ਸਿੰਘ ਆਪਣੀ ਟੀਮ ਸਮੇਤ ਮੌਕੇ ’ਤੇ ਪਹੁੰਚੇ । ਇਸਦੇ ਨਾਲ ਹੀ ਨਗਰ ਨਿਗਮ ਦੇ ਮੁਲਾਜ਼ਮਾਂ ਵਲੋਂ ਜੇ.ਸੀ.ਬੀ. ਮਸ਼ੀਨ ਨਾਲ ਨਾਲੇ ਦੀ ਛੱਤ ਤੋੜ ਕੇ ਬੱਚੇ ਦੀ ਤਲਾਸ਼ ਕੀਤੀ ਜਾ ਰਹੀ ਹੈ |