10 ਅਕਤੂਬਰ 2024: ਬਟਾਲਾ ਪੁਲਿਸ ਅਧੀਨ ਪੈਂਦੇ ਕਸਬਾ ਫਤਿਹਗੜ ਚੂੜੀਆਂ ਅਜਨਾਲਾ ਰੋਡ ਸਰਕਾਰੀ ਡੇਅਰੀ ਦੇ ਨਜਦੀਕ ਇੱਕ ਵੱਡਾ ਹਾਦਸਾ ਵਾਪਰਿਆ ਹੈ ਜਿਸ ਵਿਚ ਇੱਕ ਟਰੈਕਟਰ ਟਰਾਲੀ ਚਾਲਕ ਵੱਲੋਂ ਛੋਟੇ ਭੈਣ ਭਰਾਵਾਂ ਨੂੰ ਕੁਚਲ ਦਿੱਤਾ ਗਿਆ, ਜਿਸ ਨਾਲ ਛੋਟੀ 3 ਸਾਲ ਦੀ ਬੱਚੀ ਦੀ ਮੌਤ ਹੋ ਗਈ, ਜਦਕਿ ਉਸ ਦਾ ਵੱਡਾ 6 ਸਾਲਾ ਭਰਾ ਜ਼ਖ਼ਮੀ ਹੋ ਗਿਆ, ਜਿਸ ਨੂੰ ਫਤਿਹਗੜ ਚੂੜੀਆਂ ਪ੍ਰਾਈਵੇਟ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ।
ਇਸ ਸਬੰਧੀ ਲੜਕੀ ਦੇ ਪਿਤਾ ਹਰਵਿੰਦਰ ਸਿੰਘ ਅਤੇ ਮਾਂ ਰੁਪਿੰਦਰ ਕੌਰ ਵਾਸੀ ਮੱਤੇਨੰਗਲ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਉਨਾਂ ਦੀ ਅਜਨਾਲਾ ਰੋਡ ਰੇਲਵੇ ਫਾਟਕ ਨਜਦੀਕ ਮੋਟਰਸਾਈਕਲ ਠੀਕ ਕਰਨ ਦੀ ਦੁਕਾਨ ਹੈ ਅਤੇ ਦੁਕਾਨ ਦੇ ਨਜਦੀਕ ਹੀ ਭਾਈ ਗੁਰਦਾਸ ਜੀ ਦੇ ਪ੍ਰਾਈਵੇਟ ਸਕੂਲ ਵਿਖੇ ਦੋਵੇਂ ਛੋਟੇ ਬੱਚੇ ਪੜਦੇ ਸਨ ਅਤੇ ਸਕੂਲ ’ਚ ਛੁੱਟੀ ਹੋਣ ਤੇ ਬੱਚਿਆਂ ਦੀ ਮਾਂ ਰੁਪਿੰਦਰ ਕੌਰ ਸਕੂਟਰੀ ਤੇ ਆਪਣੇ ਦੋਵਾਂ ਬੱਚਿਆਂ ਨੂੰ ਵਾਪਿਸ ਆਪਣੀ ਦੁਕਾਨ ਤੇ ਲੈ ਕੇ ਜਾ ਰਹੀ ਸੀ ਅਤੇ ਜਦ ਉਸ ਨੇ ਸਕੂਟਰੀ ਆਪਣੀ ਦੁਕਾਨ ਵੱਲ ਨੂੰ ਮੋੜੀ ਤਾਂ ਅਜਨਾਲੇ ਵਾਲੇ ਪਾਸੇ ਤੋਂ ਤੇਜ ਰਫਤਾਰ ਆ ਰਹੀ ਟਰੈਕਟਰ ਟਰਾਲੀ ਸਕੂਟਰੀ ਨਾਲ ਜਾ ਟਕਰਾਈ, ਜਿਸ ਨਾਲ ਛੋਟੀ 3 ਸਾਲ ਦੀ ਬੱਚੀ ਜਾਪਲੀਨ ਕੌਰ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ਅਤੇ 6 ਸਾਲ ਦੇ ਛੋਟੇ ਭਰਾ ਜਪਨੂਰ ਸਿੰਘ ਜਖਮੀ ਹੋ ਗਿਆ ਜਿਸ ਨੂੰ ਫਤਿਹਗੜ ਚੂੜੀਆਂ ਦੇ ਪ੍ਰਾਈਵੇਟ ਹਸਪਤਾਲ ਵਿਖੇ ਇਲਾਜ ਲਈ ਦਾਖਲ ਕਰਵਾਇਆ ਗਿਆ ਹੈ।
ਰਿਪੋਰਟਰ: ਵਿੱਕੀ ਮਲਿਕ ਬਟਾਲਾ