ਚੰਡੀਗੜ੍ਹ 28 ਅਕਤੂਬਰ 2022: ਦਿੱਲੀ ਸਰਕਾਰ ਨੇ ਸ਼ੁੱਕਰਵਾਰ ਨੂੰ ਆਟੋ ਰਿਕਸ਼ਾ ਅਤੇ ਟੈਕਸੀ ਦੇ ਕਿਰਾਏ ਵਧਾਉਣ ਦਾ ਹੁਕਮ ਜਾਰੀ ਕੀਤਾ ਹੈ। ਸਰਕਾਰ ਨੇ ਘੱਟੋ-ਘੱਟ ਕਿਰਾਏ ਵਿੱਚ ਰੁਪਏ ਦਾ ਵਾਧਾ ਕੀਤਾ ਹੈ। ਇਸ ਹੁਕਮ ਤੋਂ ਬਾਅਦ ਆਟੋ ਰਿਕਸ਼ਾ ਅਤੇ ਟੈਕਸੀ ‘ਚ ਸਫਰ ਕਰਨ ਵਾਲੇ ਯਾਤਰੀਆਂ ਨੂੰ ਵਧੀ ਹੋਈ ਕੀਮਤ ਚੁਕਾਉਣੀ ਪਵੇਗੀ।
ਨਵੀਂ ਦਰ ਲਾਗੂ ਹੋਣ ਤੋਂ ਬਾਅਦ ਹੁਣ ਏਸੀ ਟੈਕਸੀ ਲਈ 4 ਰੁਪਏ ਅਤੇ ਨਾਨ ਏਸੀ ਲਈ 3 ਰੁਪਏ ਜ਼ਿਆਦਾ ਦੇਣੇ ਪੈਣਗੇ। ਇਸ ਦੇ ਨਾਲ ਹੀ ਹੁਣ ਆਟੋ ਦਾ ਮੀਟਰ ਡਾਊਨ 25 ਦੀ ਬਜਾਏ 30 ਰੁਪਏ ਤੋਂ ਸ਼ੁਰੂ ਹੋਵੇਗਾ। ਇਸ ਤੋਂ ਬਾਅਦ ਜਿੱਥੇ ਪਹਿਲਾਂ ਇੱਕ ਕਿਲੋਮੀਟਰ ਲਈ ਸਾਢੇ ਨੌਂ ਰੁਪਏ ਦੇਣੇ ਪੈਂਦੇ ਸਨ, ਹੁਣ 11 ਰੁਪਏ ਦੇਣੇ ਪੈਣਗੇ। ਹਾਲਾਂਕਿ ਸਰਕਾਰ ਨੇ ਨਾਈਟ ਚਾਰਜ ਅਤੇ ਵੇਟਿੰਗ ਚਾਰਜ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਹੈ।
ਇਸ ਦੇ ਨਾਲ ਹੀ ਜਿੱਥੇ ਟੈਕਸੀ ਮੀਟਰ ਪਹਿਲਾਂ ਇੱਕ ਕਿਲੋਮੀਟਰ ਲਈ 25 ਰੁਪਏ ਤੋਂ ਘੱਟ ਹੁੰਦਾ ਸੀ, ਉੱਥੇ ਨਵੀਆਂ ਦਰਾਂ ਲਾਗੂ ਹੋਣ ਤੋਂ ਬਾਅਦ ਇਹ 40 ਰੁਪਏ ਤੋਂ ਸ਼ੁਰੂ ਹੋ ਜਾਵੇਗਾ। ਨਾਨ ਏਸੀ ਟੈਕਸੀ ਦਾ ਕਿਰਾਇਆ 14 ਰੁਪਏ ਪ੍ਰਤੀ ਕਿਲੋਮੀਟਰ ਤੋਂ ਵਧਾ ਕੇ 17 ਰੁਪਏ ਕਰ ਦਿੱਤਾ ਗਿਆ ਹੈ। ਇਸੇ ਤਰ੍ਹਾਂ ਏਸੀ ਟੈਕਸੀ ਦਾ ਕਿਰਾਇਆ 16 ਰੁਪਏ ਤੋਂ ਵਧਾ ਕੇ 20 ਰੁਪਏ ਪ੍ਰਤੀ ਕਿਲੋਮੀਟਰ ਕਰ ਦਿੱਤਾ ਗਿਆ ਹੈ। ਨਾਈਟ ਚਾਰਜ ਵਿੱਚ ਕੋਈ ਬਦਲਾਅ ਨਹੀਂ ਹੈ। ਵੇਟਿੰਗ ਚਾਰਜ ਵਿੱਚ ਇੱਕ ਰੁਪਏ ਪ੍ਰਤੀ ਮਿੰਟ ਵਾਧਾ ਕਰਨ ਦਾ ਐਲਾਨ ਕੀਤਾ ਗਿਆ ਹੈ।
ਪਹਿਲਾਂ ਜਿੱਥੇ ਆਟੋ ਮੀਟਰ 25 ਤੋਂ ਡਾਊਨ ਹੋ ਕੇ ਡੇਢ ਕਿਲੋਮੀਟਰ ਚੱਲਦਾ ਸੀ, ਹੁਣ 30 ਤੋਂ ਡਾਊਨ ਹੋ ਜਾਵੇਗਾ। ਇਸ ਤੋਂ ਇਲਾਵਾ ਜਿੱਥੇ ਪਹਿਲਾਂ ਤੁਹਾਨੂੰ 9.5 ਰੁਪਏ ਪ੍ਰਤੀ ਕਿਲੋਮੀਟਰ ਦਾ ਭੁਗਤਾਨ ਕਰਨਾ ਪੈਂਦਾ ਸੀ, ਹੁਣ ਤੁਹਾਨੂੰ 11 ਰੁਪਏ ਦੇਣੇ ਪੈਣਗੇ। ਅਜਿਹੇ ‘ਚ ਜੇਕਰ ਕੋਈ 10 ਕਿਲੋਮੀਟਰ ਦਾ ਸਫਰ ਕਰਦਾ ਹੈ ਤਾਂ ਯਾਤਰੀ ਨੂੰ 123.50 ਪੈਸੇ ਦੇਣੇ ਹੋਣਗੇ।
