ਬਟਾਲਾ 05 ਸਤੰਬਰ 2022: ਮਸੀਹ ਭਾਈਚਾਰੇ ਦੇ ਭੱਖਦੇ ਮੁੱਦਿਆਂ ਤੇ ਅੱਜ ਪੰਜਾਬ ਕ੍ਰਿਸ਼ਚੀਅਨ ਫੈਡਰੇਸ਼ਨ (Punjab Christian Federation) ਅਤੇ ਜ਼ਿਲ੍ਹਾ ਭਰ ਦੇ ਮਸੀਹ ਭਾਈਚਾਰੇ ਦੇ ਪਸਟਰਾਂ ਦੀ ਬਟਾਲਾ ਦੇ ਨਜਦੀਕ ਪਿੰਡ ਮੁਲਾ ਸਾਨੀਆ ਵਿਖੇ ਵੱਡੀ ਇਕੱਤਰਤਾ ਹੋਈ | ਇਸ ਦੌਰਾਨ ਚਰਚ ‘ਤੇ ਹੋਏ ਹਮਲੇ ਦੇ ਇਨਸਾਫ ਦੀ ਮੰਗ ਲਈ ਅਵਾਜ ਬੁਲੰਦ ਕਰਦੇ ਹੋਏ ਐਲਾਨ ਕੀਤਾ ਕਿ ਉਨ੍ਹਾਂ ਵਲੋਂ ਪੰਜਾਬ ਭਰ ਦੇ ਡੀਸੀ ਦਫਤਰਾਂ ‘ਚ 15 ਸਤੰਬਰ ਨੂੰ ਮੰਗ ਪੱਤਰ ਦਿੱਤੇ ਜਾਣਗੇ |
ਇਸ ਦੇ ਨਾਲ ਹੀ ਪੰਜਾਬ ਕ੍ਰਿਸ਼ਚੀਅਨ ਫੈਡਰੇਸ਼ਨ ( Punjab Christian Federation) ਵਲੋਂ ਇਕ ਧਾਰਮਿਕ ਸੈੱਲ ਸਥਾਪਿਤ ਗਿਆ ਹੈ ਅਤੇ ਉਨ੍ਹਾਂ ਕਿਹਾ ਕਿ ਜੋ ਉਹਨਾਂ ਦੇ ਇਸਾਈ ਧਰਮ ‘ਚ ਹੀ ਰਹਿੰਦੇ ਕੁਝ ਪ੍ਰਚਾਰਕ ਜਾਂ ਪਾਸਟਰ ਹਨ ਜੋ ਗ਼ਲਤ ਢੰਗ ਨਾਲ ਪ੍ਰਚਾਰ ਕਰ ਰਹੇ ਹਨ, ਉਨ੍ਹਾਂ ਨੂੰ ਵੀ ਰੋਕਿਆ ਜਾਵੇਗਾ ਅਤੇ ਪੀਟਰ ਮਸੀਹ ਨੇ ਕਿਹਾ ਕਿ ਮਸੀਹ ਭਾਈਚਾਰੇ ਦੇ ਮੁੱਦਿਆਂ ਨੂੰ ਲੈ ਕੇ ਮੰਗ ਪੱਤਰ ਦੇਣਗੇ | ਜੇਕਰ ਸੂਬਾ ਸਰਕਾਰ ਉਨ੍ਹਾਂ ਦੇ ਮੁੱਦਿਆਂ ‘ਤੇ ਸੰਜੀਦਾ ਨਾ ਹੋਈ ਤਾਂ ਉਹ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦਾ ਘਿਰਾਓ ਕਰਨਗੇ |
