ਚੰਡੀਗੜ੍ਹ 17 ਅਗਸਤ 2022: ਪੰਜਾਬ ਦੇ ਅਟਾਰੀ ਬਾਰਡਰ (Attari border) ‘ਤੇ ਬੁੱਧਵਾਰ ਨੂੰ ਅਫ਼ਗਾਨਿਸਤਾਨ ਤੋਂ ਆਏ ਇਕ ਟਰੱਕ ਦੇ ਅੰਦਰੋਂ 900 ਗ੍ਰਾਮ ਆਰਡੀਐਕਸ ਮਿਲਣ ਦੀ ਖ਼ਬਰ ਸਾਹਮਣੇ ਆਈ ਹੈ । ਦੱਸਿਆ ਜਾ ਰਿਹਾ ਹੈ ਕਿ ਟਰੱਕ ਪਾਕਿਸਤਾਨ ਤੋਂ ਲੰਘਦੇ ਹੋਰ ਸੁੱਕੇ ਮੇਵੇ ਦੇ ਟਰੱਕਾਂ ਸਮੇਤ ਬੁੱਧਵਾਰ ਸਵੇਰੇ ਅਟਾਰੀ ਸਰਹੱਦ ‘ਤੇ ਪਹੁੰਚਿਆ ਸੀ।

ਇਸ ਟਰੱਕ ਦੀ ਸਕੈਨਿੰਗ ਦੌਰਾਨ ਕਸਟਮ ਅਧਿਕਾਰੀਆਂ ਨੂੰ ਇਸ ਵਿੱਚ ਵਿਸਫੋਟਕ ਪਦਾਰਥ ਮਿਲੇ ਹਨ। ਇਸਦੇ ਨਾਲ ਹੀ ਜਾਂਚ ਕਰਨ ‘ਤੇ 900 ਗ੍ਰਾਮ ਆਰਡੀਐਕਸ ਬਰਾਮਦ ਕੀਤਾ ਗਿਆ ਹੈ । ਇਸ ਤੋਂ ਬਾਅਦ ਟਰੱਕ ਦੇ ਡਰਾਈਵਰ ਨੂੰ ਹਿਰਾਸਤ ‘ਚ ਲੈ ਕੇ ਪੁੱਛਗਿੱਛ ਕੀਤੀ ਗਈ। ਕਸਟਮ ਅਧਿਕਾਰੀਆਂ ਵਲੋਂ ਹੋਰ ਵੀ ਟਰੱਕਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ |