ਚੰਡੀਗੜ੍ਹ 16 ਜੂਨ 2022: ਰਿਮਾਂਡ ਦੌਰਾਨ ਪੁੱਛਗਿੱਛ ‘ਚ ਪਵਨ ਬਿਸ਼ਨੋਈ ਨੇ ਪੁਲਿਸ ਸਾਹਮਣੇ ਇਸ ਗੱਲ ਦਾ ਖੁਲਾਸਾ ਕੀਤਾ ਹੈ ਕਿ ਸਿੱਧੂ ਮੂਸੇਵਾਲਾ ਦੇ ਕਤਲ ‘ਚ ਵਰਤੇ ਗਏ ਹਥਿਆਰਾਂ ਨੂੰ ਵਾਰਦਾਤ ਤੋਂ ਬਾਅਦ ਕਿਤੇ ਦੱਬ ਦਿੱਤਾ ਗਿਆ ਸੀ। ਸੂਤਰਾਂ ਦੇ ਹਵਾਲੇ ਨਾਲ ਇਹ ਖਬਰਾਂ ਆ ਰਹੀਆਂ ਹਨ ਕਿ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਨੇ ਕਈ ਮਸ਼ਹੂਰ ਗਾਇਕਾਂ ਤੋਂ ਪ੍ਰੋਟੈਕਸ਼ਨ ਮਨੀ ਲਈ ਹੈ। ਉਹ ਗਾਇਕਾਂ ਤੋਂ ਪੈਸੇ ਲੈ ਕੇ ਦੂਜੇ ਗਾਇਕਾਂ ਦੇ ਨੰਬਰ ਅਤੇ ਹੋਰ ਵੇਰਵੇ ਮੰਗਦਾ ਸੀ। ਹੋਏ ਹਮਲੇ ਪਿੱਛੇ ਜਿਹੜੇ ਗੈਂਗਸਟਰ ਦੂਜੇ ਗਾਇਕਾਂ ਦੇ ਨਾਮ ਲੈ ਰਹੇ ਹਨ, ਉਥੋਂ ਇਹ ਗੱਲਾਂ ਵੀ ਸਾਹਮਣੇ ਆ ਰਹੀਆਂ ਹਨ ਕਿ ਮਿਊਜ਼ਿਕ ਇੰਡਸਟਰੀ ‘ਚ ਗੈਂਗਸਟਰਾਂ ਦਾ ਦਖਲ ਕਾਫ਼ੀ ਵੱਧ ਗਿਆ ਹੈ।