ਚੰਡੀਗੜ੍ਹ 07 ਜੂਨ 2022: ਖੇਲੋ ਇੰਡੀਆ ਯੁਵਾ ਖੇਡਾਂ ਵਿੱਚ ਮਹਾਰਾਸ਼ਟਰ ਮੈਡਲ ਸੂਚੀ ਵਿੱਚ ਦੂਜੇ ਨੰਬਰ ’ਤੇ ਹੈ। ਇੱਥੋਂ ਦੀ ਮਜ਼ਬੂਤ ਖਿਡਾਰਨ ਹਰਸ਼ਦਾ ਗਰੁੜ (Harshada Garud) ਨੇ ਵੇਟ ਲਿਫਟਿੰਗ ਵਿੱਚ ਨਵਾਂ ਰਾਸ਼ਟਰੀ ਰਿਕਾਰਡ ਕਾਇਮ ਕੀਤਾ ਹੈ। ਹਰਸ਼ਦਾ ਨੇ 45 ਕਿੱਲੋ ਦੇ ਕਲੀਨ ਐਂਡ ਜਰਕ ਵਿੱਚ ਪਵਨੀ ਕੁਮਾਰੀ ਦਾ 80 ਕਿਲੋ ਦਾ ਰਿਕਾਰਡ ਤੋੜ ਦਿੱਤਾ ਹੈ।
ਹਰਸ਼ਦਾ ਨੇ ਨੈਸ਼ਨਲ ‘ਚ ਨਵਾਂ ਰਿਕਾਰਡ ਬਣਾ ਕੇ ਕਲੀਨ ਐਂਡ ਜਰਕ ‘ਚ 83 ਕਿਲੋਗ੍ਰਾਮ ਭਾਰ ਚੁੱਕ ਕੇ ਸੋਨ ਤਗਮਾ ਜਿੱਤਿਆ ਹੈ। ਹਰਸ਼ਦਾ ਗਰੁੜ ਨੇ ਇਸ ਖੇਲੋ ਇੰਡੀਆ ਯੂਥ ਖੇਡਾਂ ਵਿੱਚ 152 ਕਿਲੋ ਭਾਰ ਚੁੱਕ ਕੇ ਉੱਤਰ ਪ੍ਰਦੇਸ਼ ਦੀ ਅੰਜਲੀ ਪਟੇਲ ਨੂੰ ਹਰਾਇਆ। ਇਸ ਤੋਂ ਇਲਾਵਾ ਟੀਮ ਦੇ ਖਿਡਾਰੀ ਮੁਕੰਦ ਅਹੀਰ ਨੇ 55 ਕਿਲੋ ਭਾਰ ਵਰਗ ਵਿੱਚ ਸੋਨ ਤਗਮਾ ਜਿੱਤਿਆ ਹੈ।
ਹਰਸ਼ਦਾ ਗਰੁੜ ਪੁਣੇ, ਮਹਾਰਾਸ਼ਟਰ ਦੀ ਰਹਿਣ ਵਾਲੀ ਹੈ। ਉਸਨੇ 2020 ਖੇਲੋ ਇੰਡੀਆ ਖੇਡਾਂ ਵਿੱਚ ਰਾਸ਼ਟਰੀ ਰਿਕਾਰਡ ਵੀ ਤੋੜਿਆ ਹੈ। ਉਸ ਸਮੇਂ, ਹਰਸ਼ਦਾ ਨੇ 45 ਕਿਲੋਗ੍ਰਾਮ ਵਰਗ ਵਿੱਚ 139 ਕਿਲੋਗ੍ਰਾਮ ਭਾਰ ਚੁੱਕ ਕੇ ਰਾਸ਼ਟਰੀ ਰਿਕਾਰਡ ਬਣਾਇਆ ਸੀ ਅਤੇ ਅੰਡਰ-17 ਅਤੇ ਅੰਡਰ-21 ਦੋਵਾਂ ਵਰਗਾਂ ਵਿੱਚ ਟਾਪ ਕੀਤਾ ਸੀ। ਖੇਲੋ ਇੰਡੀਆ ਖੇਡਾਂ 2020 ਵਿੱਚ, ਹਰਸ਼ਦਾ ਨੇ ਸਨੈਚ ਵਿੱਚ 62 ਕਿਲੋ ਅਤੇ ਕਲੀਨ ਐਂਡ ਜਰਕ ਵਿੱਚ 77 ਕਿਲੋਗ੍ਰਾਮ ਭਾਰ ਚੁੱਕ ਕੇ ਸੋਨ ਤਗਮਾ ਜਿੱਤਿਆ। ਹਰਸ਼ਦਾ ਦਾ ਪ੍ਰਦਰਸ਼ਨ ਉਦੋਂ ਤੋਂ ਹੀ ਬਿਹਤਰ ਹੋਇਆ ਹੈ।