ਚੰਡੀਗੜ੍ਹ, 3 ਅਪ੍ਰੈਲ 2022 : ਨਵੀਂ ਲੇਨ ਡਰਾਈਵਿੰਗ ਨਿਯਮ ਰਾਜਧਾਨੀ ਦਿੱਲੀ ਵਿੱਚ 1 ਅਪ੍ਰੈਲ ਤੋਂ ਲਾਗੂ ਹੋ ਗਿਆ ਹੈ। ਨਿਯਮਾਂ ਦੀ ਉਲੰਘਣਾ ਕਰਨ ‘ਤੇ 10,000 ਰੁਪਏ ਦਾ ਚਲਾਨ ਕੱਟਿਆ ਜਾ ਰਿਹਾ ਹੈ। ਇਹ ਨਿਯਮ ਦਿੱਲੀ ਨੂੰ ਜਾਮ( ਟ੍ਰੈਫਿਕ) ਮੁਕਤ ਬਣਾਉਣ ਅਤੇ ਸੜਕ ਹਾਦਸਿਆਂ ਨੂੰ ਘੱਟ ਕਰਨ ਦੇ ਉਦੇਸ਼ ਨਾਲ ਲਿਆਂਦਾ ਗਿਆ ਹੈ।ਅਸੀਂ ਤੁਹਾਨੂੰ ਨਵੇਂ ਨਿਯਮ ਨਾਲ ਜੁੜੀ ਸਾਰੀ ਜਾਣਕਾਰੀ ਦੱਸਣ ਜਾ ਰਹੇ ਹਾਂ, ਤਾਂ ਜੋ ਤੁਹਾਨੂੰ ਕੋਈ ਅਸੁਵਿਧਾ ਨਾ ਹੋਵੇ।
ਨਵਾਂ ਲੇਨ-ਡਰਾਈਵਿੰਗ ਨਿਯਮ ਕੀ ਹੈ ?
ਦਿੱਲੀ ਟਰਾਂਸਪੋਰਟ ਦਾ ਇਹ ਨਿਯਮ ਬੱਸਾਂ ਅਤੇ ਟਰੱਕਾਂ ਵਰਗੇ ਭਾਰੀ ਵਾਹਨਾਂ ‘ਤੇ ਲਾਗੂ ਹੋ ਗਿਆ ਹੈ। ਇਸ ਤਹਿਤ ਅਜਿਹੇ ਵਾਹਨਾਂ ਨੂੰ ਆਪਣੀ ਨਿਰਧਾਰਤ ਲੇਨ ਵਿੱਚ ਹੀ ਜਾਣਾ ਪਵੇਗਾ। ਪਹਿਲੀ ਵਾਰ ਇਸ ਨਿਯਮ ਦੀ ਉਲੰਘਣਾ ਕਰਨ ‘ਤੇ ਡਰਾਈਵਰਾਂ ਤੋਂ 5000 ਰੁਪਏ ਦਾ ਚਲਾਨ ਕੱਟਿਆ ਜਾਵੇਗਾ। ਜਦਕਿ ਦੂਜੀ ਵਾਰ ਇਹ ਜੁਰਮਾਨਾ ਵਧ ਕੇ 10 ਹਜ਼ਾਰ ਰੁਪਏ ਹੋ ਜਾਵੇਗਾ। ਇੰਨਾ ਹੀ ਨਹੀਂ ਜੇਕਰ ਕੋਈ ਡਰਾਈਵਰ ਕਈ ਵਾਰ ਗਲਤੀ ਕਰਦਾ ਫੜਿਆ ਜਾਂਦਾ ਹੈ ਤਾਂ ਉਸ ਦਾ ਲਾਇਸੈਂਸ ਅਤੇ ਵਾਹਨ ਦਾ ਪਰਮਿਟ ਰੱਦ ਕੀਤਾ ਜਾ ਸਕਦਾ ਹੈ।
ਦੱਸ ਦੇਈਏ ਕਿ ਦਿੱਲੀ ਵਿੱਚ ਬੱਸਾਂ ਲਈ ਵੱਖਰੀ ਲੇਨ ਬਣੀ ਹੋਈ ਹੈ। ਨਾਲ ਹੀ ਬੱਸ ਸਟੈਂਡ ‘ਤੇ ਬੱਸਾਂ ਦੇ ਖੜ੍ਹਨ ਲਈ ਵੱਖਰਾ ਬਕਸਾ ਬਣਾਇਆ ਗਿਆ ਹੈ। ਜਲਦ ਹੀ ਇਹ ਨਿਯਮ ਹਰ ਤਰ੍ਹਾਂ ਦੇ ਵਾਹਨਾਂ ‘ਤੇ ਲਾਗੂ ਹੋ ਸਕਦਾ ਹੈ। ਨਿਯਮਾਂ ਦੀ ਸਹੀ ਢੰਗ ਨਾਲ ਪਾਲਣਾ ਯਕੀਨੀ ਬਣਾਉਣ ਅਤੇ ਉਲੰਘਣਾ ਕਰਨ ਵਾਲਿਆਂ ਨੂੰ ਫੜਨ ਲਈ ਦਿੱਲੀ ਟਰਾਂਸਪੋਰਟ ਵਿਭਾਗ ਵੱਲੋਂ ਕਈ ਟੀਮਾਂ ਤਾਇਨਾਤ ਕੀਤੀਆਂ ਗਈਆਂ ਹਨ। ਰਿਪੋਰਟ ਮੁਤਾਬਕ 15 ਅਪ੍ਰੈਲ ਤੋਂ ਬਾਅਦ ਇਸ ਨੂੰ ਕਾਰਾਂ, ਮੋਟਰਸਾਈਕਲ, ਸਕੂਟਰ ਆਦਿ ਵਾਹਨਾਂ ‘ਤੇ ਵੀ ਲਾਗੂ ਕੀਤਾ ਜਾ ਸਕਦਾ ਹੈ।
2 ਦਿਨਾਂ ‘ਚ 23 ਬੱਸਾਂ ਦੇ ਕੱਟੇ 10 ਹਜ਼ਾਰ ਚਲਾਨ
ਅਧਿਕਾਰੀਆਂ ਨੇ ਦੱਸਿਆ ਕਿ ਰਾਜ ਦੇ ਟਰਾਂਸਪੋਰਟ ਵਿਭਾਗ ਵੱਲੋਂ ਬੱਸ ਲੇਨ ਇਨਫੋਰਸਮੈਂਟ ਡਰਾਈਵ ਨੂੰ ਲਾਗੂ ਕਰਨ ਤੋਂ ਬਾਅਦ ਪਿਛਲੇ ਦੋ ਦਿਨਾਂ ਵਿੱਚ, ਦਿੱਲੀ ਵਿੱਚ 23 ਬੱਸ ਡਰਾਈਵਰਾਂ ਨੂੰ ਉਲੰਘਣਾ ਕਰਨ ਲਈ 10,000 ਰੁਪਏ ਜੁਰਮਾਨਾ ਕੀਤਾ ਗਿਆ ਹੈ। ਅਧਿਕਾਰਤ ਅੰਕੜਿਆਂ ਮੁਤਾਬਕ ਸ਼ੁੱਕਰਵਾਰ ਅਤੇ 16 ਨੂੰ ਸ਼ਨੀਵਾਰ ਨੂੰ ਲੇਨ ਅਨੁਸ਼ਾਸਨ ਦੀ ਉਲੰਘਣਾ ਕਰਨ ‘ਤੇ ਸੱਤ ਡਰਾਈਵਰਾਂ ਨੂੰ ਜੁਰਮਾਨਾ ਲਗਾਇਆ ਗਿਆ। ਉਸ ਨੂੰ 10,000 ਰੁਪਏ ਜੁਰਮਾਨਾ ਕੀਤਾ ਗਿਆ ਅਤੇ ਹੋਰ ਚੇਤਾਵਨੀ ਦਿੱਤੀ ਗਈ।
