ਚੰਡੀਗ੍ਹੜ 22 ਜਨਵਰੀ 2022: ਗੋਆ ਦੇ ਮਰਹੂਮ ਮੁੱਖ ਮੰਤਰੀ ਮਨੋਹਰ ਪਾਰੀਕਰ ਦੇ ਪੁੱਤਰ ਉਤਪਲ ਪਾਰੀਕਰ (Utpal Parrikar) ਨੇ ਭਾਜਪਾ ਛੱਡ ਦਿੱਤੀ ਹੈ |ਇਸਤੋਂ ਬਾਅਦ ਉਤਪਲ ਪਾਰੀਕਰ (Utpal Parrikar) ਨੇ ਐਲਾਨ ਕੀਤਾ ਕਿ ਉਹ ਆਪਣੇ ਪਿਤਾ ਦੀ ਰਵਾਇਤੀ ਸੀਟ ਪਣਜੀ ਤੋਂ ਆਜ਼ਾਦ ਉਮੀਦਵਾਰ ਵਜੋਂ ਚੋਣ ਲੜਨਗੇ। ਉਨ੍ਹਾਂਨੇ ਕਿਹਾ ਕਿ ਭਾਜਪਾ ਤੋਂ ਅਸਤੀਫਾ ਦੇਣ ‘ਤੇ ਉਨ੍ਹਾਂ ਕਿਹਾ ਕਿ ਪਾਰਟੀ ਛੱਡਣਾ ਉਨ੍ਹਾਂ ਲਈ ਸਭ ਤੋਂ ਮੁਸ਼ਕਿਲ ਫੈਸਲਾ ਸੀ, ਪਰ ਉਹ ਇਸ ਲਈ ਤਿਆਰ ਹਨ। ਉਨ੍ਹਾਂ ਇਹ ਵੀ ਕਿਹਾ ਕਿ ਜੇਕਰ ਭਗਵਾ ਪਾਰਟੀ ਨੇ ਇੱਥੋਂ ਕੋਈ ‘ਚੰਗਾ ਉਮੀਦਵਾਰ’ ਖੜ੍ਹਾ ਕੀਤਾ ਹੁੰਦਾ ਤਾਂ ਉਹ ਚੋਣ ਮੈਦਾਨ ’ਚੋਂ ਬਾਹਰ ਹੋ ਜਾਂਦੇ।
ਸੱਤਾਧਾਰੀ ਪਾਰਟੀ ਭਾਜਪਾ ਨੇ ਲੰਬੇ ਸਮੇਂ ਤੋਂ ਮਨੋਹਰ ਪਾਰੀਕਰ ਦੀ ਨੁਮਾਇੰਦਗੀ ਕਰ ਰਹੇ ਪਣਜੀ ਸੀਟ ਤੋਂ ਮੌਜੂਦਾ ਵਿਧਾਇਕ ਅਤਾਨਾਸੀਓ ਮੋਨਸੇਰੇਟ ਨੂੰ ਮੈਦਾਨ ‘ਚ ਉਤਾਰਿਆ ਹੈ। ਪਾਰੀਕਰ ਨੇ ਕਿਹਾ, ”ਮੇਰੇ ਕੋਲ ਹੋਰ ਕੋਈ ਵਿਕਲਪ ਨਹੀਂ ਬਚਿਆ ਸੀ। ਮੈਂ ਪਾਰਟੀ ਤੋਂ ਅਸਤੀਫਾ ਦੇ ਦਿੱਤਾ ਹੈ ਅਤੇ ਪਣਜੀ ਤੋਂ ਆਜ਼ਾਦ ਉਮੀਦਵਾਰ ਵਜੋਂ ਚੋਣ ਲੜਾਂਗਾ।” ਉਨ੍ਹਾਂ ਇਹ ਵੀ ਕਿਹਾ ਕਿ ਅਸਤੀਫਾ ਇੱਕ ਰਸਮੀ ਸੀ, ਪਰ ਭਾਜਪਾ “ਹਮੇਸ਼ਾ ਮੇਰੇ ਦਿਲ ਵਿੱਚ ਰਹੇਗੀ”।
“ਇਹ ਮੇਰੇ ਲਈ ਇੱਕ ਮੁਸ਼ਕਲ ਵਿਕਲਪ ਹੈ, ਮੈਂ ਗੋਆ ਦੇ ਲੋਕਾਂ ਲਈ ਕਰ ਰਿਹਾ ਹਾਂ। ਕਿਸੇ ਨੂੰ ਵੀ ਮੇਰੇ ਸਿਆਸੀ ਭਵਿੱਖ ਦੀ ਚਿੰਤਾ ਨਹੀਂ ਕਰਨੀ ਚਾਹੀਦੀ, ਇਹ ਗੋਆ ਦੇ ਲੋਕ ਕਰਨਗੇ।” ਪਾਰੀਕਰ ਨੇ ਕਿਹਾ ਕਿ ਭਾਜਪਾ ਨੇ ਉਨ੍ਹਾਂ ਨੂੰ ”ਹੋਰ ਵਿਕਲਪ” (ਪਣਜੀ ਤੋਂ ਇਲਾਵਾ ਹੋਰ ਚੋਣ ਹਲਕਿਆਂ) ਦੀ ਪੇਸ਼ਕਸ਼ ਕੀਤੀ ਹੈ। “ਮੈਂ ਉਨ੍ਹਾਂ ਕਦਰਾਂ-ਕੀਮਤਾਂ ਲਈ ਲੜ ਰਿਹਾ ਹਾਂ ਜਿਨ੍ਹਾਂ ਵਿੱਚ ਮੈਂ ਵਿਸ਼ਵਾਸ ਕਰਦਾ ਹਾਂ। ਪਣਜੀ ਦੇ ਲੋਕਾਂ ਨੂੰ ਫੈਸਲਾ ਕਰਨ ਦਿਓ। ਮੈਂ ਆਪਣੀ ਪਾਰਟੀ ਨਾਲ ਗੱਲਬਾਤ ਨਹੀਂ ਕਰ ਸਕਦਾ।” ਇਹ ਪੁੱਛੇ ਜਾਣ ‘ਤੇ ਕਿ ਕੀ ਉਹ ਹੋਰ ਸਿਆਸੀ ਪਾਰਟੀਆਂ ਦਾ ਸਮਰਥਨ ਲੈਣਗੇ, ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਲਈ ਸਿਰਫ ਭਾਜਪਾ ਹੀ ਪਲੇਟਫਾਰਮ ਹੈ। ਪਾਰੀਕਰ ਨੇ ਕਿਹਾ, ”ਜੇਕਰ ਭਾਜਪਾ ਨਹੀਂ ਤਾਂ ਮੈਂ ਆਜ਼ਾਦ ਤੌਰ ‘ਤੇ ਚੋਣ ਲੜਾਂਗਾ। ਮੈਂ ਕੋਈ ਹੋਰ ਸਿਆਸੀ ਪਾਰਟੀ ਨਹੀਂ ਚੁਣਾਂਗਾ।
