ਚੰਡੀਗੜ੍ਹ 10 ਜਨਵਰੀ 2022: ਚੀਨ (chine) ਦੇ ਚਾਂਗ ਈ5 ਮਿਸ਼ਨ (China Chang E 5 mission) ਨੂੰ ਇੱਕ ਵੱਡੀ ਕਾਮਯਾਬੀ ਮਿਲੀ ਹੈ | ਚੀਨ ਦੇ ਚਾਂਗ ਈ 5 ਮਿਸ਼ਨ (China Chang E 5 mission) ਨੂੰ ਚੰਦਰਮਾ (Moon) ਦੀ ਸਤ੍ਹਾ ‘ਤੇ ਪਾਣੀ ਦੇ ‘ਮੌਕੇ ‘ਤੇ ਸਬੂਤ ਮਿਲੇ ਹਨ, ਜਿਸ ਨਾਲ ਉਪਗ੍ਰਹਿ ਦੇ ਖੁਸ਼ਕ ਹੋਣ ਬਾਰੇ ਨਵੀਂ ਜਾਣਕਾਰੀ ਮਿਲੀ ਹੈ। ਸਾਇੰਸ ਜਰਨਲ ‘ਸਾਇੰਸ ਐਡਵਾਂਸ’ ‘ਚ ਸ਼ਨੀਵਾਰ ਨੂੰ ਪ੍ਰਕਾਸ਼ਿਤ ਇਕ ਅਧਿਐਨ ‘ਚ ਕਿਹਾ ਗਿਆ ਹੈ ਕਿ ਚੰਦਰਮਾ (Moon) ‘ਤੇ ਉਤਰਨ ਵਾਲੀ ਜਗ੍ਹਾ ‘ਤੇ ਮਿੱਟੀ ‘ਚ ਪਾਣੀ ਦੀ ਮਾਤਰਾ 120 ਗ੍ਰਾਮ ਪ੍ਰਤੀ ਟਨ ਤੋਂ ਘੱਟ ਹੈ ਅਤੇ ਉਹ ਜਗ੍ਹਾ ਧਰਤੀ ਦੇ ਮੁਕਾਬਲੇ ਜ਼ਿਆਦਾ ਸੁੱਕੀ ਹੈ।
ਇਸਤੋਂ ਪਹਿਲਾ ਰਿਮੋਟ ਟੈਸਟਾਂ ਨੇ ਪਹਿਲਾਂ ਪਾਣੀ ਦੀ ਮੌਜੂਦਗੀ ਦੀ ਪੁਸ਼ਟੀ ਕੀਤੀ ਸੀ, ਪਰ ਪੁਲਾੜ ਯਾਨ ਨੇ ਹੁਣ ਚੱਟਾਨਾਂ ਅਤੇ ਮਿੱਟੀ ਵਿੱਚ ਪਾਣੀ ਦੇ ਸੰਕੇਤਾਂ ਦਾ ਪਤਾ ਲਗਾਇਆ ਹੈ। ਵਾਹਨ ‘ਤੇ ਲਗਾਏ ਗਏ ਇਕ ਵਿਸ਼ੇਸ਼ ਯੰਤਰ ਨੇ ਚੱਟਾਨਾਂ ਅਤੇ ਸਤ੍ਹਾ ਦੀ ਜਾਂਚ ਕੀਤੀ ਅਤੇ ਪਹਿਲੀ ਵਾਰ ਮੌਕੇ ‘ਤੇ ਪਾਣੀ ਦਾ ਪਤਾ ਲਗਾਇਆ।ਸਰਕਾਰੀ ਸਮਾਚਾਰ ਏਜੰਸੀ ਸਿਨਹੂਆ ਨੇ ਚਾਈਨੀਜ਼ ਅਕੈਡਮੀ ਆਫ ਸਾਇੰਸਿਜ਼ (CAS) ਦੇ ਖੋਜਕਰਤਾਵਾਂ ਦੇ ਹਵਾਲੇ ਨਾਲ ਕਿਹਾ ਕਿ ਪਾਣੀ ਦੀ ਮਾਤਰਾ ਦਾ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿਉਂਕਿ ਪਾਣੀ ਦੇ ਅਣੂ ਲਗਭਗ ਤਿੰਨ ਮਾਈਕ੍ਰੋਮੀਟਰ ਦੀ ਬਾਰੰਬਾਰਤਾ ‘ਤੇ ਲੀਨ ਹੋ ਜਾਂਦੇ ਹਨ।
ਖੋਜਕਰਤਾਵਾਂ ਨੇ ਕਿਹਾ ਕਿ ਚੰਦਰਮਾ ਦੀ ਮਿੱਟੀ ਵਿੱਚ ਪਾਈ ਜਾਣ ਵਾਲੀ ਨਮੀ ਵਿੱਚ ਸੂਰਜੀ ਹਵਾ ਸਭ ਤੋਂ ਵੱਧ ਯੋਗਦਾਨ ਪਾਉਂਦੀ ਹੈ ਕਿਉਂਕਿ ਇਸ ਵਿੱਚ ਮੌਜੂਦ ਹਾਈਡ੍ਰੋਜਨ ਦੇ ਤੱਤ ਤੋਂ ਪਾਣੀ ਬਣਦਾ ਹੈ। ਅਧਿਐਨ ਵਿੱਚ ਕਿਹਾ ਗਿਆ ਹੈ ਕਿ ਚੰਦਰਮਾ ਇੱਕ ਨਿਸ਼ਚਿਤ ਸਮੇਂ ਦੇ ਅੰਦਰ ਸੁੱਕ ਗਿਆ ਸੀ ਅਤੇ ਅਜਿਹਾ ਸਤ੍ਹਾ ਦੇ ਹੇਠਾਂ ਮੌਜੂਦ ਜਮਾਂ ਵਿੱਚੋਂ ਗੈਸਾਂ ਦੇ ਸੋਖਣ ਕਾਰਨ ਹੋਇਆ ਸੀ।
