ਚੰਡੀਗੜ੍ਹ 28ਨਵੰਬਰ 2022: ਟੀਵੀ ਦੇ ਮਸ਼ਹੂਰ ਡਾਂਸ ਰਿਐਲਿਟੀ ਸ਼ੋਅ ‘ਝਲਕ ਦਿਖਲਾ ਜਾ’ ਦਾ ਸੀਜ਼ਨ 10 ਪਿਛਲੇ ਕਈ ਦਿਨਾਂ ਤੋਂ ਦਰਸ਼ਕਾਂ ਦਾ ਮਨੋਰੰਜਨ ਕਰ ਰਿਹਾ ਸੀ। ਇਸ ਸ਼ੋਅ ‘ਚ ਕਈ ਟੀਵੀ ਕਲਾਕਾਰ ਨਜ਼ਰ ਆਏ, ਜਿਨ੍ਹਾਂ ਨੇ ਆਪਣੇ ਡਾਂਸ ਦੇ ਜੌਹਰ ਦਿਖਾਏ। ਪਰ ਹੁਣ ‘ਝਲਕ ਦਿਖਲਾ ਜਾ’ ਦੇ 10ਵੇਂ ਸੀਜ਼ਨ ਨੂੰ ਸ਼ਾਨਦਾਰ ਸਫ਼ਰ ਤੋਂ ਬਾਅਦ ਵਿਨਰ ਮਿਲ ਗਿਆ ਹੈ। ਇਹ ਰਿਐਲਿਟੀ ਸ਼ੋਅ ਗੁੰਜਨ ਸਿਨਹਾ ਅਤੇ ਤੇਜਸ ਵਰਮਾ ਨੇ ਜਿੱਤਿਆ ਹੈ। 8 ਸਾਲਾ ਗੁੰਜਨ ਅਤੇ 12 ਸਾਲਾ ਤੇਜਸ ਨੂੰ ਸ਼ੋਅ ਦਾ ਜੇਤੂ ਐਲਾਨਿਆ ਗਿਆ ਹੈ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਲੱਖਾਂ ਰੁਪਏ ਦੀ ਇਨਾਮੀ ਰਾਸ਼ੀ ਮਿਲੀ ਹੈ।
ਇੰਨੀ ਇਨਾਮੀ ਰਕਮ ਜਿੱਤੀ
ਗੁਜਨ ਸਿਨਹਾ ਅਤੇ ਤੇਜਸ ਵਰਮਾ ਸ਼ਾਨਦਾਰ ਡਾਂਸਰ ਹਨ ਅਤੇ ਇਹ ਦੋਵੇਂ ਸ਼ੋਅ ਦੇ ਪਹਿਲੇ ਐਪੀਸੋਡ ਤੋਂ ਹੀ ਮਜ਼ਬੂਤ ਪ੍ਰਤੀਯੋਗੀ ਸਨ। ਦੋਵੇਂ ਹਮੇਸ਼ਾ ਹੀ ਵੋਟਿੰਗ ‘ਚ ਅੱਗੇ ਰਹੇ ਹਨ ਅਤੇ ਇਸੇ ਲਈ ਉਨ੍ਹਾਂ ਦੀ ਜਿੱਤ ਦੀ ਸਭ ਤੋਂ ਜ਼ਿਆਦਾ ਚਰਚਾ ਹੋ ਰਹੀ ਸੀ ਅਤੇ ਹੁਣ ਗੁੰਜਨ ਸਿਨਹਾ ਅਤੇ ਤੇਜਸ ਵਰਮਾ ਨੇ ਇਸ ਸ਼ੋਅ ਦੀ ਟਰਾਫੀ ਜਿੱਤ ਲਈ ਹੈ। ਸ਼ੋਅ ਜਿੱਤਣ ਤੋਂ ਬਾਅਦ ਗੁੰਜਨ ਅਤੇ ਤੇਜਸ ਨੂੰ 20 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਮਿਲੀ। ਦੱਸ ਦੇਈਏ ਕਿ ਗੁੰਜਨ ਅਤੇ ਤੇਜਸ ਤੋਂ ਇਲਾਵਾ ਫੈਜ਼ਲ ਸ਼ੇਖ ਅਤੇ ਰੁਬੀਨਾ ਨੇ ਟਾਪ 3 ਵਿੱਚ ਥਾਂ ਬਣਾਈ ਹੈ।
ਕੌਣ ਹੈ ਤੇਜਸ ਵਰਮਾ
ਤੇਜਸ ਵਰਮਾ ਇੱਕ ਮਸ਼ਹੂਰ ਡਾਂਸਰ ਹੈ। 12 ਸਾਲ ਦੇ ਤੇਜਸ ਨੇ ਆਪਣੇ ਡਾਂਸ ਕਰੀਅਰ ਦੀ ਸ਼ੁਰੂਆਤ ਬੂਗੀ ਵੂਗੀ ਸ਼ੋਅ ਨਾਲ ਕੀਤੀ ਸੀ। ਇਸ ਤੋਂ ਬਾਅਦ ਉਹ ਰਿਐਲਿਟੀ ਸ਼ੋਅ ‘ਹਾਈ ਫੀਵਰ’ ‘ਚ ਵੀ ਨਜ਼ਰ ਆਈ। ਡਾਂਸਿੰਗ ਤੋਂ ਇਲਾਵਾ ਤੇਜਸ ਨੇ ਆਪਣੀ ਐਕਟਿੰਗ ਦੇ ਜੌਹਰ ਵੀ ਦਿਖਾਏ ਹਨ। ਉਹ ਫਿਲਮ ‘ਰਾਕੇਟ ਗੈਂਗ’ ‘ਚ ਨਜ਼ਰ ਆਏ ਸਨ। ਇਸ ਫਿਲਮ ‘ਚ ਉਨ੍ਹਾਂ ਦਾ ਧਨਸੂ ਡਾਂਸ ਵੀ ਦੇਖਣ ਨੂੰ ਮਿਲਿਆ ਸੀ।
ਗੁੰਜਨ ਸਿਨਹਾ ਡਾਂਸਿੰਗ ਕਵੀਨ ਹੈ
ਗੁੰਜਨ ਸਿਨਹਾ ਅਸਾਮ ਦੇ ਗੁਹਾਟੀ ਦੀ ਰਹਿਣ ਵਾਲੀ ਹੈ ਅਤੇ ਉਹ ਸਿਰਫ਼ ਅੱਠ ਸਾਲ ਦੀ ਹੈ। ‘ਝਲਕ ਦਿਖਲਾ ਜਾ’ ਦੀ ਵਿਜੇਤਾ ਬਣਨ ਤੋਂ ਪਹਿਲਾਂ ਗੁੰਜਨ ‘ਡਾਂਸ ਦੀਵਾਨੇ ਸੀਜ਼ਨ 3’ ‘ਚ ਨਜ਼ਰ ਆਈ ਸੀ। ਹਾਲਾਂਕਿ ਉਹ ਸ਼ੋਅ ਨਹੀਂ ਜਿੱਤ ਸਕੀ। ਗੁੰਜਨ ਸੋਸ਼ਲ ਮੀਡੀਆ ‘ਤੇ ਵੀ ਕਾਫੀ ਐਕਟਿਵ ਰਹਿੰਦੀ ਹੈ। ਉਹ ਅਕਸਰ ਕੋਰੀਓਗ੍ਰਾਫਰ ਰੇਮੋ ਡਿਸੂਜ਼ਾ ਨਾਲ ਸ਼ਾਨਦਾਰ ਵੀਡੀਓਜ਼ ਸ਼ੇਅਰ ਕਰਦੀ ਰਹੀ ਹੈ।
