ਚੰਡੀਗੜ੍ਹ 26 ਜਨਵਰੀ 2022: ਦੇਸ਼ ਅੱਜ 73ਵਾਂ ਗਣਤੰਤਰ ਦਿਵਸ (73rd Republic Day) ਮਨਾ ਰਿਹਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਨੈਸ਼ਨਲ ਵਾਰ ਮੈਮੋਰੀਅਲ ‘ਤੇ ਪਹੁੰਚ ਕੇ ਸ਼ਹੀਦ ਹੋਏ ਲਗਭਗ 26000 ਸੈਨਿਕਾਂ ਨੂੰ ਸ਼ਰਧਾਂਜਲੀ ਦਿੱਤੀ। ਇਸ ਦੇ ਨਾਲ ਹੀ ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਦੇ ਰਾਜਪਥ ਪਹੁੰਚਣ ਤੋਂ ਬਾਅਦ ਪੀਐਮ ਮੋਦੀ ਨੇ ਹੱਥ ਜੋੜ ਕੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਇਸ ਤੋਂ ਬਾਅਦ ਰਾਸ਼ਟਰੀ ਗੀਤ ਅਤੇ ਪਰੇਡ ਤੋਂ ਬਾਅਦ 21 ਤੋਪਾਂ ਦੀ ਸਲਾਮੀ ਦਿੱਤੀ ਗਈ।
ਬੀਐਸਐਫ ਦੀ ਸੀਮਾ ਭਵਾਨੀ ਮੋਟਰਸਾਈਕਲ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ| ਸੀਮਾ ਸੁਰੱਖਿਆ ਬਲ (ਬੀਐਸਐਫ) ਦੀ ਸੀਮਾ ਭਵਾਨੀ ਮੋਟਰਸਾਈਕਲ ਟੀਮ ਨੇ ਗਣਤੰਤਰ ਦਿਵਸ ਪਰੇਡ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
‘ਬਾਜ਼’ ਦੇ ਸਰੂਪ ਦਾ ਕਾਕਪਿਟ ਦ੍ਰਿਸ਼ ਸ਼ਾਨਦਾਰ ਨਜ਼ਾਰਾ ਸੀ। ਇੱਕ ਰਾਫੇਲ (Rafale) , ਦੋ ਜੈਗੁਆਰ (Jaguars), ਦੋ ਮਿਗ-29 ਯੂਪੀਜੀ, ਦੋ ਸੁਖੋਈ-30MI ਜਹਾਜ਼ਾਂ ਸਮੇਤ ਸੱਤ ਜਹਾਜ਼ਾਂ ਨੇ ‘ਤੀਰ ਦੇ ਸਿਰੇ’ ਦੇ ਰੂਪ ਵਿੱਚ 300 ਮੀਟਰ ਏਓਐਲ ‘ਤੇ ਉਡਾਣ ਭਰੀ। ਗਣਤੰਤਰ ਦਿਵਸ ਪਰੇਡ ਦੇ ਮੌਕੇ ‘ਤੇ ਭਾਰਤੀ ਹਵਾਈ ਸੈਨਾ ਦੇ 75 ਜਹਾਜ਼ਾਂ ਨਾਲ ਫਲਾਈ ਪਾਸਟ
ਇਸ ਦੌਰਾਨ ਅੰਮ੍ਰਿਤ ਫੋਰਮੇਸਨ ਦਾ ਦ੍ਰਿਸ਼ ਦਿਖਾਇਆ ਗਿਆ। ਇਸ ਗਠਨ ਵਿਚ 17 ਜੈਗੁਆਰਾਂ ਨੇ ਹਿੱਸਾ ਲਿਆ। ਇਸ ਦੀ ਅਗਵਾਈ ਗਰੁੱਪ ਕੈਪਟਨ ਅਵਿਨਾਸ਼ ਸਿੰਘ, ਗਰੁੱਪ ਕੈਪਟਨ ਗੌਰਵ ਅਰਜਾਰੀਆ, ਵਿੰਗ ਕਮਾਂਡਰ ਸੰਦੀਪ ਜੈਨ, ਗਰੁੱਪ ਕੈਪਟਨ ਐਨ. ਪੀ ਵਰਮਾ, ਵਿੰਗ ਕਮਾਂਡਰ ਪਰਾਖਰ, ਵਿੰਗ ਕਮਾਂਡਰ ਰੋਹਿਤ ਰਾਏ, ਵਿੰਗ ਕਮਾਂਡਰ ਸਿਧਾਰਥ, ਵਿੰਗ ਕਮਾਂਡਰ ਅੰਕੁਸ਼ ਤੋਮਰ ਅਤੇ ਪਵਾਰ ਸ਼ਾਮਲ ਹਨ। ਰਾਫੇਲ ਤੋਂ ਲੈ ਕੇ ਜੈਗੁਆਰ ਤੱਕ ਦੀ ਦਹਾੜ ਅਸਮਾਨ ‘ਚ ਦੇਖਣ ਨੂੰ ਮਿਲੀ। ਇਸ ਦੌਰਾਨ 75 ਜਹਾਜ਼ਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
ਰੁਦਰ ਗਠਨ ਦਾ ਇੱਕ ਕਾਕਪਿਟ ਦ੍ਰਿਸ਼ ਦਿਖਾਇਆ ਗਿਆ ਹੈ। 2 ਧਰੁਵ ਹੈਲੀਕਾਪਟਰਾਂ ਅਤੇ 2 ਏ.ਐੱਲ.ਐੱਚ. ਰੁਦਰ ਹੈਲੀਕਾਪਟਰਾਂ ਨੇ ਇਸ ‘ਚ ਹਿੱਸਾ ਲਿਆ। ਇਸ ਗਠਨ ਦੀ ਅਗਵਾਈ 301 ਆਰਮੀ ਏਵੀਏਸ਼ਨ ਸਪੈਸ਼ਲ ਆਪਰੇਸ਼ਨ ਦੇ ਕਰਨਲ ਸੁਦੀਪਤੋ ਚਾਕੀ ਨੇ ਕੀਤੀ।
