ਚੰਡੀਗੜ੍ਹ 08 ਮਾਰਚ 2022: ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਤ੍ਰਿਪੁਰਾ ‘ਚ ਭਾਜਪਾ ਸਰਕਾਰ ਦੇ 4 ਸਾਲ ਪੂਰੇ ਹੋਣ ‘ਤੇ ਅਗਰਤਲਾ ‘ਚ ਇਕ ਜਨ ਸਭਾ ਨੂੰ ਸੰਬੋਧਨ ਕਰਦਿਆਂ ਔਰਤਾਂ ਲਈ ਵੱਡਾ ਐਲਾਨ ਕੀਤਾ| ਇਸ ਮੌਕੇ ‘ਤੇ ਅਮਿਤ ਸ਼ਾਹ ਨੇ ਐਲਾਨ ਕੀਤਾ ਕਿ ਤ੍ਰਿਪੁਰਾ ‘ਚ ਸਰਕਾਰੀ ਨੌਕਰੀਆਂ ‘ਚ ਔਰਤਾਂ ਨੂੰ 33 ਫੀਸਦੀ ਰਾਖਵਾਂਕਰਨ ਦਿੱਤਾ ਜਾਵੇਗਾ। ਇਸ ਦੌਰਾਨ ਸ਼ਾਹ ਨੇ ਕਿਹਾ, ‘ਮੈਂ ਤੁਹਾਨੂੰ ਭਰੋਸਾ ਦਿਵਾਉਂਦਾ ਹਾਂ ਕਿ ਇਨ੍ਹਾਂ 4 ਸਾਲਾਂ ‘ਚ ਅਸੀਂ ਤ੍ਰਿਪੁਰਾ ਨੂੰ ਸੰਭਾਲਣ ਦਾ ਕੰਮ ਕੀਤਾ ਹੈ। ਅਗਲੇ ਸਾਲ ਜਦੋਂ 5 ਸਾਲ ਪੂਰੇ ਹੋਣਗੇ, ਉਸ ਤੋਂ ਬਾਅਦ ਇੱਕ ਮੌਕਾ ਹੋਰ ਦਿਓ, ਅਸੀਂ ਤ੍ਰਿਪੁਰਾ ਨੂੰ ਦੇਸ਼ ਦਾ ਨੰਬਰ ਇੱਕ ਸੂਬਾ ਬਣਾਵਾਂਗੇ।
ਇਸ ਦੌਰਾਨ ਗ੍ਰਹਿ ਮੰਤਰੀ ਨੇ ਵਿਰੋਧੀ ਪਾਰਟੀਆਂ ‘ਤੇ ਜਮ ਕੇ ਨਿਸ਼ਾਨੇ ਸਾਧੇ ਉਨ੍ਹਾਂ ਕੇ ਕਿਹਾ ਕਿ , “ਜਿੱਥੇ ਵੀ ਕਮਿਊਨਿਸਟਾਂ ਦੀ ਸਰਕਾਰ ਹੈ, ਉੱਥੇ ਸਿਆਸੀ ਵਿਰੋਧੀਆਂ ਦੇ ਖੂਨ ਨਾਲ ਹੋਲੀ ਖੇਡੀ ਜਾਂਦੀ ਹੈ। ਪਰ ਮੈਂ ਮਾਣ ਨਾਲ ਕਹਿ ਸਕਦਾ ਹਾਂ ਕਿ ਤ੍ਰਿਪੁਰਾ ‘ਚ ਸਿਆਸੀ ਕਤਲੇਆਮ ਨੂੰ ਪੂਰੀ ਤਰ੍ਹਾਂ ਠੱਲ੍ਹ ਪਾਉਣ ਦਾ ਕੰਮ ਸਾਡੇ ਮੁੱਖ ਮੰਤਰੀ ਬਿਪਲਬ ਦੇਵ ਜੀ ਨੇ ਕੀਤਾ ਹੈ। 25 ਸਾਲ ਇੱਥੇ ਗਰੀਬਾਂ ਦੇ ਨਾਂ ‘ਤੇ ਕਮਿਊਨਿਸਟਾਂ ਨੇ ਰਾਜ ਕੀਤਾ ਪਰ ਗਰੀਬਾਂ ਲਈ ਕੁਝ ਨਹੀਂ ਕੀਤਾ। ਭਾਜਪਾ ਅਤੇ ਹੋਰ ਪਾਰਟੀਆਂ ਦੇ 39 ਤੋਂ ਵੱਧ ਵਰਕਰ ਮਾਰੇ ਗਏ।
ਇਸਦੇ ਨਾਲ ਹੀ ਸ਼ਾਹ ਨੇ ਕਿਹਾ ਕਿ ਪਹਿਲਾਂ ਤ੍ਰਿਪੁਰਾ ‘ਚ ਅੱਤਵਾਦ, ਘੁਸਪੈਠ, ਬੰਦ, ਤਣਾਅ, ਭ੍ਰਿਸ਼ਟਾਚਾਰ ਦੀਆਂ ਗੱਲਾਂ ਹੁੰਦੀਆਂ ਸਨ। ਅੱਜ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਸ਼ਟ ਲਕਸ਼ਮੀ ਦਾ ਰੂਪ ਦੇ ਕੇ ਪੂਰੇ ਉੱਤਰ ਪੂਰਬ ਨੂੰ ਵਿਕਾਸ, ਸੰਪਰਕ, ਬੁਨਿਆਦੀ ਢਾਂਚੇ, ਖੇਡਾਂ, ਨਿਵੇਸ਼ ਅਤੇ ਜੈਵਿਕ ਖੇਤੀ ਦਾ ਇੱਕ ਵੱਡਾ ਕੇਂਦਰ ਬਣਾ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਤ੍ਰਿਪੁਰਾ ‘ਚ ਭਾਜਪਾ ਦੀ ਸਰਕਾਰ ਬਣਨ ਦੇ ਚਾਰ ਸਾਲ ਬਾਅਦ ਮੈਂ ਦੇਖ ਰਿਹਾ ਹਾਂ ਕਿ ਤ੍ਰਿਪੁਰਾ ਜੋ ਪਹਿਲਾਂ ਨਸ਼ੇ ਅਤੇ ਨਸ਼ੀਲੇ ਪਦਾਰਥਾਂ ਦੇ ਕਾਰੋਬਾਰ ‘ਚ ਗ੍ਰਸਤ ਸੀ, ਅੱਜ ਤ੍ਰਿਪੁਰਾ ਆਤਮ ਨਿਰਭਰ ਬਣਨ ਵੱਲ ਵਧ ਰਿਹਾ ਹੈ।ਤ੍ਰਿਪੁਰਾ ਦੇ ਹਰ ਗਰੀਬ ਘਰ ‘ਚ ਬੀ.ਜੇ.ਪੀ. ਸਰਕਾਰ ਨੇ ਬਿਜਲੀ ਦੇਣ ਦਾ ਕੰਮ ਕੀਤਾ ਹੈ।
ਉਨ੍ਹਾਂ ਕਿਹਾ ਲਈ ‘ਸਾਡੇ ਦੇਸ਼ ਦੀ ਆਜ਼ਾਦੀ ਦੇ 75 ਸਾਲ ਪੂਰੇ ਹੋ ਗਏ ਹਨ। ਇਸ ਦੇ ਨਾਲ ਹੀ ਸੁੰਦਰ ਤ੍ਰਿਪੁਰਾ ਦੇ ਨਿਰਮਾਣ ਨੂੰ ਵੀ 50 ਸਾਲ ਪੂਰੇ ਹੋ ਗਏ ਹਨ। 25 ਸਾਲ ਤੱਕ ਕਮਿਊਨਿਸਟਾਂ ਨੇ ਤ੍ਰਿਪੁਰਾ ‘ਤੇ ਰਾਜ ਕੀਤਾ। ਜਦੋਂ ਮੈਂ 2015 ‘ਚ ਇੱਥੇ ਆਇਆ ਸੀ ਤਾਂ ਹਰ ਕੋਈ ਇੱਥੇ ਹੰਗਾਮਾ ਕਰ ਰਿਹਾ ਸੀ।
